ჩვენ უნდა დაველოდოთ მოვლენათა განვითარებას და თურქეთს, როგორც ჩვენს მეზობელს და პარტნიორ ქვეყანას ვუსურვოთ ამ მძიმე წუთებიდან მშვიდობიანად გამოსვლა, - ამის შესახებ თურქეთში საქართველოს ელჩმა ირაკლი კოპლატაძემ ტელეკომპანია „იმედის“ პირდაპირ ეთერში განაცხადა.

ელჩის თქმით, სანამ მოვლენათა განვითარება არ იქნება ნათელი და ცხადი, საზოგადოებამ ურთიერთგამომრიცხავი ინფორმაციები სერიოზულად არ უნდა აღიქვას.

 „სანამ არ იქნება მოვლენათა განვითარება ნათელი და ცხადი, ჩვენ სერიოზულად არ უნდა მივიღოთ ის ურთიერთ გამომრიცხავი ინფორმაციები, რომლებიც გადაუზუსტებელია და ყოველწუთიერად ვრცელდება და იცველბა. მე ვიცი, რომ ჩვენს მოქალაქეებს აინტერესებთ საქართველოში მოქალაქეების ბედი, რომლებიც ამჟამად თურქეთში არიან. მე მინდა ვისარგებლო შემთხვევით და რამდენადაც თურქეთში არის სამხედრო გადატრიალების მცდელობა, მოვუწოდო ჩვენს მოქალაქეებს შეინარჩუნონ სიმშვიდე, იყვნენ თავიანთ სახლებში, მუდმივად ადევნონ თვალყური მასმედიის მიერ გავრცელებულ ინფორმაციებს და საჭიროების შემთხვევაში, 24 საათის განმავლობაში დაუკავშირდნენ ჩვენს ცხელ ხაზს“,- განაცხადა კოპლატაძემ.

შეგახსენებთ, რომ თურქეთში სამხედრო გადატრიალების მცდელობა მოხდა. დაკეტილია ყველა აეროპორტი.

მედიის ინფორმაციით, ქვეყნის ორ დიდ ქალაქში პანიკაა, გადაკეტილია ასევე ქვეყნის ორი მთავარი ხიდი. 

ქუჩებში სამხედრო ტექნიკასთან ერთად ასობით ჯარისკაცი იმყოფება და საგანგებო მდგომარეობაა გამოცხადებული. გარდა ამისა, დედაქალაქის თავზე გამანადგურებლები და ვერტმფრენები ტრიალებენ. 

დაუდასტურებელი ინფორმაციით, ქვეყანაში გაითიშა ინტერნეტი და რეზიდენტის რეზიდენციაა ბლოკირებული.  ინფორმაცია გარდაცვლილთა ან დაშავებულთა შესახებ ჯერ არ ვრცელდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის

The Observer: სტარმერმა შესაძლოა გადადგომის შესახებ ორშაბათს განაცხადოს