„გუშინდელ დღემდე ჩვეულებრივ რეჟიმში ვმუშაობდი, მაგრამ ვითარება არსებითად შეიცვლა და დღეიდან მოვალეობები უნდა გადავაბარო“,-ამის შესახებ შერიგებისა და სამოქალაქო  თანასწორობის საკითხებში სახელმწიფო მინისტრმა პაატა ზაქარეიშვილმა ჟურნალისტებს განუცხადა.

მინისტრის თქმით, ის გუშინ პრემიერ-მინისტრს შეხვდა და საუბარი მხოლოდ წინასაარჩევნო კამპანიაზე ჰქონდათ.

„გუშინ პრემიერს შევხვდი. მას ძალიან დიდ პატივს ვცემ, მაგრამ წინასაარჩევნო კამპანიის დროს „ოცნებას“ ურჩევნია, რომ მინისტრები თავიანთი პარტიიდან იყვნენ გამოკვეთილები. მე არ მჭირდება არგუმენტები, სამმა პრემიერმა მიმიწვია მთავარობაში და დიდ მადლობას ვუხდი მათ.  ჩემს მოვალეობებს დღეიდან გადავაბარებ და მოადგილეს მიმდინარე საქმეებს დავუტოვებ“,-განაცხადა ზაქარეიშვილმა.

ჟურნალისტის კითხვაზე ჰქონდა თუ არა ინფორმაცია გიგლა აგულაშვილის  გადაწყვეტილებასთან დაკავშირებით, რომლის თანახმადაც მინისტრმა პარტია დატოვა და მთავრობაში დარჩა, ზაქარეიშვილმა აღნიშნა, რომ ამის შესახებ მხოლოდ გუშინ გაიგო.

„მეგონა, რომ ევროპული სტანდარტი ბოლომდე გაგრძელდებოდა . ვფიქრობდი,  რომ ბოლომდე ერთად ვიქნებოდით, ამასთან არჩევნებში მონაწილეობა დაგეგმილი არ მქონდა. ამჟამად ვფიქრობ და ვნახოთ როგორ იქნება“,-განაცხადა ზაქარეიშვილმა.

ამასთან, მანვე დასძინა, რომ პრემიერ-მინისტრისგან პოსტზე დარჩენის არანაირი შეთავაზება არ მიუღია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო