სტამბოლის ათათურქის საერთაშორისო აეროპორტიდან თბილისის მიმართულებთ მგზავრთა პირველი ნაკადი 19.10 საათზე გამოფრინდება. ამის შესახებ განცხადებას საქართველოს საგარეო საქმეთა სამინისტრო ავრცელებს.

უწყება მოუწოდებს იმ მოქალაქეებს, რომლებიც გეგმავენ ინდივიდუალური გზებით ათათურქის აეროპორტიდან საქართველოში გამომგზავრებას, აეროპორტში არსებული დიდი რიგების გათვალისწინებით დადგენილ დროზე რამდენიმე საათით ადრე გამოცხადდნენ ქ. სტამბოლის ათათურკის საერთაშორისო აეროპორტში.

"ქ. სტამბოლში საქართველოს გენერალური საკონსულოს ინფორმაციით მგზავრთა პირველი ნაკადი სტამბოლიდან თბილისის მიმართულებით ათათურკის საერთაშორისო აეროპორტიდან თურქეთის დროით 18.10 საათზე გამოფრინდება. ამასთან საქართველოს გენერალური საკონსულო ქ. სტამბოლში მიმართავს საქართველოს იმ მოქალაქეებს, რომლებიც გეგმავენ ინდივიდუალური გზებით ათათურკის აეროპორტიდან საქართველოში გამომგზავრებას, აეროპორტში არსებული დიდი რიგების გათვალისწინებით დადგენილ დროზე რამდენიმე საათით ადრე გამოცხადდნენ ქ. სტამბოლის ათათურკის საერთაშორისო აეროპორტში.
 
თბილისის მიმართულებით მგზავრების გადაყვანას ახორციელებს ავიაკომპანია „Turkish Airlines"  და ავიაკომპანია  "Atlasglobal".  მათ შორის ავიაკომპანია „Atlasglobal" აწარმოებს მოლაპარაკებას შესაბამის სამსახურებთან მგზავრთა რაოდენობის ერთიანად გადმოყვანის მიზნით. იმ შემთხვევაში თუ კომპანია "Atlasglobal"-ი ვერ მოახერხებს ყველა მგზავრის თბილისში დღეს დაბრუნებას  მათ ავიაკომპანიის ხარჯით დააბინავებენ სასტუმროში და გამოამგზავრებენ უახლოესი რეისით.
 
სტამბოლში საქართველოს გენერალურმა საკონსულომ უკვე უზრუნველყო საქართველოს იმ მოქალაქეების გადაყვანა აეროპორტში, ვინც დახმარებისთვის მიმართა საკონსულოს. დღესვე თბილისის მიმართულებით განხორციელდება კიდევ ორი რეისი თურქეთის დროით 21.10 საათზე და 01:40 საათზე.
 
საქართველოს საგარეო საქმეთა სამინისტრო მოუწოდებს საქართველოს მოქალაქეებს დამატებითი ინფორმაციის მიღების მიზნით დაუკავშირდნენ ცხელ ხაზზე საქართველოს გენერალურ საკონსულოს ქ. სტამბოლში (+90 541) 818 44 00, საქართველოს საელჩოს ქ. ანკარაში (+90 312) 690-30-40), ასვე  საქართველოს გენერალურ საკონსულოს ქ. ტრაბზონში (+90 541) 326-22-26; ამასთან შეგახსენებთ, რომ ქ. სტამბოლში ისევე როგორც თურქეთის მთელ ტერიტორიაზე უსაფრთხოების დონე უმაღლეს დონეზეა აყვანილი, საქართველოს საგარეო საქმეთა სამინისტრო თურქეთში მყოფ საქართველოს მოქალაქეებს მოუწოდებს თავი შეიკავონ ხალხმრავალ ადგილებში გადაადგილებისაგან", - ნათქვამია განცხადებაში.

ცნობისთვის, ათათურქის სახელობის საერთაშორისო აეროპორტში მომხდარი ტერაქტის შედეგად გარდაცვლილთა რიცხვი 41-მდე გაიზარდა. მედია საშუალებების ინფორმაციით, 239 ადამიანი დაშავებულია.

შეგახსენებთ, რომ ათათურქის აეროპორტში გუშინ ტერაქტების სერია მოხდა.

სამმა თვითმკვლელმა ტერორისტმა ჯერ “კალაშნიკოვის” ტიპის იარაღიდან გახსნა ცეცხლი, შემდეგ კი თავი აიფეთქა.

ტერაქტზე პასუხისგებლობა ამ დრომდე არავის აუღია, თუმცა თურქეთის ხელისუფლება ვარაუდობს, რომ აეროპორტზე თავდასხმა “ისლამური სახელმწიფოს” მებრძოლებმა განახორციელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა