ბურჭულაძე: მურუსიძე არის ვირუსი, რომელიც გარშემო თავის მსგავს ხალხს შემოიკრებს

2016-06-11 22:51:00, 931 ნახვა

პოლიტიკა

"მურუსიძე არის ვირუსი, რომელიც გარშემო თავის მსგავს ხალხს შემოიკრებს. ეს ვირუსი გამრავლდება და შემდეგ გვექნება გამოუვალი მდგომარეობა" - ამის შესახებ პოლიტიკური გაერთიანება "სახელწმიფო ხალხისთვის" ლიდერმა, პაატა ბურჭულაძემ "კურიერის" ეთერში განაცხადა.

ბურჭულაძის განცხადებით, დღეს ქვეყანა დიდი პრობლემის წინაშე დგას.

„დიდი პრობლემის წინაშე ვდგავართ, აბსოლუტურად უსამართლობასთან გვაქვს საქმე. დღეს ჩვენ გვაქვს მურუსიძის სასამართლო. მურუსიძე არის ვირუსი, რომელიც გარშემო თავის მსგავს ხალხს შემოიკრებს. ეს ვირუსი გამრავლდება და შემდეგ გვექნება გამოუვალი მდგომარეობა," - აცხადებს პაატა ბურჭულაძე.

ბურჭულაძე აქვე ქიბარ ხალვაშს მიმართავს და ურჩევს, „გამოიჩინოს ვაჟკაცობა და ქვეყნის სიყვარული“ და მიმართოს უზენაეს სასამართლოს, რომ არჩევნებამდე არ მოხდეს რუსთავი 2-ის საქმის განხილვა.

„ამდენი წელი არ ჰქონია ეს ტელევიზია და 4 თვეც მოითმინოს,“ - აცხადებს პაატა ბურჭულაძე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან