26 მაისს ხელი მოეწერა „ევროპის სამეზობლო პროგრამა სოფლის მეურნეობისა და სოფლის განვითარებისათვის საქართველოში“ II ეტაპის (ENPARD Georgia II) საფინანსო შეთანხმებას, რომლის  ბიუჯეტი 50 მილიონი ევროა და საბიუჯეტო, საგრანტო და ტექნიკურ დახმარებას ითვალისწინებს.

სოფლის მეურნეობის სამინისტროს ინფორმაციით, პროგრამა  2016-2019 წლებში განხორციელდება და მიზნადისახავს სოფლის მეურნეობისა და სოფლის განვითარების პოლიტიკის და რეფორმების ხელშეწყობას, ასევე  მასთან დაკავშირებული სერვისების მიწოდების გაუმჯობესებას.

მათივე ცნობით, მთავრობის გადაწყვეტილებით, საქართველოს სოფლის მეურნეობის სამინისტრო  სოფლის განვითარების საკითხების კოორდინაციას განახორციელებს. საქართველოს სოფლის განვითარების სტრატეგიის შემუშავების მიზნით უწყებათაშორისი სპეციალური სამუშაო ჯგუფი შეიქმნა.

აღნიშნული ჯგუფი შეიმუშავებს სოფლის განვითარების სტრატეგიასა და შესაბამის სამოქმედო გეგმას, რაც სოფლის მეურნეობისა და სოფლის განვითარებისათვის ევროპის სამეზობლო პროგრამის (ENPARD) II ფაზის საბიუჯეტო დახმარების კომპონენტში ქართული მხარის ერთ-ერთ ვალდებულებას  წარმოადგენს.

დღეს, სოფლის მეურნეობის სამინისტროს ინიციატივით და გაეროს განვითარების  პროგრამის  (UNDP) დაფინანსებითუწყებათაშორისი სამუშაო ჯგუფის პირველი შეხვედრა გაიმართა. შეხვედრას სოფლის მეურნეობის მინისტრის პირველი მოადგილე ნოდარ კერესელიძე ესწრებოდა.

 ქვეყანაში ეკონომიკური განვითარების  ზრდისთვის, სოფლისგანვითარებას (Rural Development) განსაკუთრებული მნიშვნელობა ენიჭება. ამისათვის აუცილებელია  ქვეყანას ჰქონდეს სოფლის განვითარების ჩამოყალიბებული პოლიტიკა, რომელიც ორიენტირებული იქნება სოფლად ცხოვრების დონის ამაღლებასა და ეკონომიკური აქტიურობის ზრდაზე“, - აღნიშნა ნოდარ კერესელიძემ.

სამუშაო ჯგუფის შეხვედრაზე აღინიშნა, რომ მნიშვნელოვანია შემუშავდეს სოფლის განვითარების ეფექტიანი მექანიზმები საერთაშორისო და ევროპული საუკეთესო პრაქტიკის გათვალისწინებით.

 ცნობისთვის, უწყებათაშორისი სამუშაო ჯგუფის პირველ შეხვედრას  საქართველოში ევროკავშირის წარმომადგენლობის სოფლის მეურნეობის ატაშე კრისტინა კაზელა, გაეროს განვითარების  პროგრამის  (UNDP), სურსათისა და სოფლის მეურნეობის ორგანიზაციის (FAO) და სხვადასხვა სამინისტროს წარმომადგენლები ესწრებოდნენ.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო