„არ გვაქვს უფლება ვიყოთ გახლეჩილი და არ გვაქვს უფლება ტალახი ვესროლოთ ერთმანეთს“, - ამის შესახებ საქართველოს პრემიერ-მინისტრმა გიორგი კვირიკაშვილმა დიასპორის ფორუმზე სიტყვით გამოსვლისას განაცხადა.

პრემიერის განცხადებით, დიასპორის ფორუმი საქართველოში  მეორედ იმართება, რაც ქვეყნის განვითარების საქმეში პლატფორმაა დიასპორის ჩართულობისთვის.

ამასთან, როგორც პრემიერმა სიტყვით გამოსვლისას აღნიშნა, ყველაზე მტავარი გაკვეთილი რაც ერმა 25 წლის განმავლობაში გამოიტანა, ერთიანობის აუცილებლობაა.

„გუშინ მთელი ერი ზეიმობდა და ყველას თვალებში იყო სიხარული.  ჩვენ გავიაერთ ძალიან რთული გზა, განვითარების, წარმატებების, დაპირპისრების, განვიცადეთ არაერთი მარცხი და გამოვიტანეთ ძალიან მნიშვნელოვანი გაკვეთილები. ყველაზე მთავარი გაკვეთილი, რაც ჩვენმა ერმა გამოიტანა ამ 25 წლის განმავლობაში, არის ერთიანობის აუცილებლობა. ჩვენ პატარა ერი ვართ. ჩვენ არ გვაქვს უფლება, ვიყოთ გახლეჩილი, არ გვაქვს უფლება, ტალახი ვესროლოთ ერთმანეთს, ჩვენ უნდა გავერთიანდეთ ერთი საერთო დადებითი მიზნის გარშემო, განვავითაროთ ჩვენი ქვეყანა, ვაქციოთ ის მართლაც დამოუკიდებელ, თავისუფალ ქვეყნად და ამისათვის ყველა თქვენგანის ჩართულობა მნიშვნელოვანია“,-აღნიშნა კვირიკაშვილმა.

გიორგი კვირიკაშვილმა მადლობა გადაუხადა  დიასპორის საკითხებში სახელმწიფო მინისტრ გელა დუმბაძეს.

„მინდა, ვისარგებლო და მადლობა გადავუხადო მას იმ არაერთი ძალიან მნიშვენლოვანი ინიციატივისათვის, რომელიც მისი ინიცირებით მთავრობამ განახორციელა.  ვფიქრობ, რომ ამას გარკვეულწილად გააიოლა ჩვენი დიასპორის წარმომადგენლებისთვის ცხოვრება. დღეს  ჩვენი მიზანი გახლავთ ის, რომ მაქსიმალურად დავანახოთ ჩვენს თანამემამულეებს, რომლებიც მსოფლიოს სხვადასხვა ადგილებში ცხოვრობენ, ის შესაძლებლობები, რომლებიც არსებობს ჩვენს ქვეყანაში დაბრუნებისათვის. დღეს გაქვს არაერთი მექანიზმი შემნილი, რომ ჩვენი დიასპორა იყოს ჩართული ქვეყნის განვითარებაში“, - განაცხადა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა