სპორტისა და ახალგაზრდულ საქმეთა კომიტეტის თავმჯდომარის პირველი მოადგილის შოთა ხაბარელის მტკიცებით, კორცხელში მომხდარ ინციდენტებში არც ერთი მოქმედი სპორტსმენი არ მონაწილეობდა.

ხაბარელის თქმით, "ნაციონალური მოძრაობა" სპორტის დისკრედიტაციას ცდილობს:

"ვუერთდებით ამ სულისკვეთებას, ძალადობა მიუღებელია ჩვენთვის. ამ დღეების განმავლობაში ბევრი განცხადება გაკეთდა "ნაციონალური მოძრაობის" მხრიდან და ხდება ქართული სპორტის დისკრედიაცია. ცალსახად მინდა აღვნიშნო, რომ ამ შემთხვევაში, იქ არც ერთი სპორტსმენი არ მონაწილეობდა.მხედვლეობაში მაქვს საქართველოს ნაკრების წევრები, არც ერთი ფედერაციიდან არ არის ეს დადასტურებული და პირადად მეც, ვინც ვნახე ამ დღეს, არც ერთი სპორტსმენი არაა. აქედან გამომდინარე, მინდა განცხადება გავაკეთო, სპორტი გამიჯნულია პოლიტიკისგან და ნუ გავაკეთებთ ისე, რომ მთლიანად ეს ტვირთი დავაწოლოთ სპორტს და სპორტსმენებს. აქ არ ყოფილა არც ერთი მოქმედი სპორტსმენი, არც ერთი ნაკრების წევრი და ნუ ვაკეთებთ ისე, რომ მთლიანად სპორტს მივაყენოთ ჩრდილი. ეს მცდელობა არის ყოველდღიური "ნაციონალური მოძრაობისგან" და გავემიჯნოთ ამას",-განაცხადა შოთა ხაბარელმა.

შეგახსენებთ, გუშინ ზუგდიდში, კორცხელის საარჩევნო უბანთან ფიზიკური დაპირპისრება მოხდა. განვითარებული მოვლენების დროს, ფიზიკური დაზიანება მიიღეს „ერთიანი ნაციონალური მოძრაობის“ წარმომადგენლებმა და „ქართული ოცნების“ აქტივისტებმა. მედიით გავრცელებული კადრებიდან ჩანს, რომ თავდამსხმელები იყენებდნენ ხელკეტებსაც. ინციდენტის დროს აღნიშნულმა პირებმა ფიზიკური შეურაცხყოფა მიაყენეს მედია საშუალებების წარმომადგენლებსაც, ან ხელი შეუშალეს მათ ჟურნალისტური საქმიანობის განხორციელებაში.

შინაგან საქმეთა სამინისტრომ მომხდარ ფაქტზე გამოძიება სისხლის სამართლის კოდექსის 125-ე მუხლით დაიწყო, რაც ცემას გულისხმობს. როგორც ცნობილია, ამ დრომდე არავინ დაუკავებიათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო