2016-05-21 14:31:43, 761 ნახვა
პოლიტიკა
თამაზ მეჭიაურმა პარტია "ქართული ოცნება" დატოვა
საპარლამენტო უმრავლესობის წევრმა თამაზ მეჭიაურმა პარტია ”ქართული ოცნება - დემოკრატიული საქართველო” დატოვა.
ამის შესახებ მეჭიაურმა პრემიერსა და ფრაქცია "ქართული ოცნების" წევრებს შორის გამართული შეხვედრის შემდეგ განაცხადა.
მისი თქმით, იგი პარტიას ტოვებს, თუმცა ფრაქცია „ქართულ ოცნებაში“ და საფინანსო-საბიუჯეტო კომიტეტის თავმჯდომარის თანამდებობაზე რჩება.
„ყველა ეტიკეტის დაცვით, პარტიის დატოვებაზე ვესაუბრე ბიძინა ივანიშვილს. აბსოლუტური გაგება იყო და კეთილმოსურნე დამშვიდობებაც. ვუთხარი, რომ შემეძლო კომიტეტის თავმჯდომარეობაც დამეტოვებინა, რაზეც ფრაქციამ მხარი არ დამიჭირა და მთხოვეს, რომ გამეგრძელებინა საქმიანობა ამ თანამდებობაზე. მე მათ აღუთქვი, რომ მათ ამ ძირითად საქმიანობაში მხარს დავუჭერ“, - განაცხადა თამაზ მეჭიაურმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
