2016-05-20 11:01:50, 555 ნახვა
პოლიტიკა
ევროკავშირის საბჭო დღეს საქართველოსთვის უვიზო რეჟიმის დაწესების საკითხზე იმსჯელებს
ევროკავშირის საბჭო საქართველოსთვის სავიზო რეჟიმის გაუქმების საკანონმდებლო ინიციატივას დღეს განიხილავს.
საკითხის განხილვა ევროკავშირის იუსტიციისა და შინაგან საქმეთა მინისტრების შეხვედრაზე იგეგმება.
ცნობისთვის, ევროკომისიამ საქართველოს მოქალაქეებისათვის სავიზო რეჟიმის გაუქმების საკანონმდებლო ინიციატივა ევროკავშირის საბჭოსა და ევროპარლამენტს მარტში წარუდგინა.
„საბჭოში აზრთა გაცვლა მოხდება სავიზო პოლიტიკის საკითხზე, საქართველოსთვის, უკრაინისთვის, თურქეთსა და კოსოვოსთვის სავიზო რეჟიმის ლიბერალიზაციის ჭრილში“, - აღნიშნულია ევროკავშირის საბჭოს ვებ-გვერდზე განთავსებულ ინფორმაციაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
