საქართველოს შინაგან საქმეთა სამინისტრო ევროკავშირის მიერ დაფინანსებული პროექტის ფარგლებში - “შინაგან საქმეთა სამინისტროს ხელშეწყობა ოჯახში ძალადობის წინააღმდეგ ბრძოლაში” – აცხადებს ღია კონკურსს ყველა დაინტერესებული პირისთვის თემაზე: პროექტის სლოგანი.

უწყების ინფორმაციით, პროექტი - “შინაგან საქმეთა სამინისტროს ხელშეწყობა ოჯახში ძალადობის წინააღმდეგ ბრძოლაში” ხორციელდება საქართველოს შინაგან საქმეთა სამინისტროს მიერ, შსს-ს აკადემიასთან თანამშრომლობით. პროექტს სრულად აფინანსებს ევროკავშირი.

პროექტის ძირითად მიზანს წარმოადგენს საქართველოში ოჯახში ძალადობის პრევენციის ხელშეწყობა, ოჯახში ძალადობისა და მისი შედეგების აღმოფხვრა საზოგადოების ცნობიერების ამაღლების და ინფორმირების გზით.

„კონკურსში მონაწილეობის მიღების მსურველებმა უნდა წარმოადგინონ ოჯახში ძალადობის წინააღმდეგ ბრძოლისა და ოჯახში ძალადობის პრევენციის თემატიკაზე შექმნილი სლოგანი, არაუგვიანეს 2016 წლის 8 ივნისისა.

ელექტრონული ფოსტის მისამართია: dv.geeu@gmail.com

შეფასების კრიტერიუმები: თემატიკასთან შესაბამისობა; ინფორმატიულობა; ლაკონურობა; კრეატიულობა; მარტივად დასამახსოვრებელი სლოგანი.

ინტელექტუალური საკუთრება: გამარჯვებული სლოგანი ხდება პროექტის საკუთრება და შესაბამისად, პროექტს უფლება აქვს შეცვალოს/გამოიყენოს სლოგანი მისი შეხედულებისამებრ, ნებისმიერი მიზნებისთვის“, - ნათქვამია შსს-ს განცხადებაში.

კონკურსის შედეგად გამოვლენილი გამარჯვებული სლოგანის ავტორი დაჯილდოვდება ლეპტოპით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო