საგარეო საქმეთა მინისტრის პირველი მოადგილე დავით ზალკალიანი კანადის ექსპორტის განვითარების სააგენტოს (Export Development Canada) ვიცე-პრეზიდენტს საერთაშორისო ბიზნესის განვითარების მიმართულებით, ბრიუს დანლოპს შეხვდა.

საგარეო უწყების ინფორმაციით, შეხვედრისას დავით ზალკალიანმა კანადურ მხარეს მიაწოდა ინფორმაცია საქართველოში არსებული ბიზნეს შესაძლებლობების, საინვესტიციო კლიმატის, პრემიერ-მინისტრის მიერ ინიცირებული 4 პუნქტიანი რეფორმების გეგმის, საქართველოს საგარეო სავაჭრო რეჟიმების, ქვეყნის სატრანსპორტო-სატრანზიტო შესაძლებლობების, მიმდინარე მასშტაბური საინვესტიციო პროექტების და უახლოეს მომავალში საქართველოში დაგეგმილი მსხვილი საერთაშორისო ღონისძიებების შესახებ.

მხარეებმა ასევე განიხილეს კანადის ექსპორტის განვითარების სააგენტოს მუშაობის მიმართულებები და საქართველოსთან თანამშრომლობის შესაძლო გზები.

შეხვედრის დასასრულს მხარეებმა მიიღეს გადაწყვეტილება, რომ ქართული მხარე აქტიურად ითანამშრომლებს კანადის საერთაშორისო განვითარების სააგენტოსთან უახლოეს მომავალში შესაბამისი ბიზნეს დელეგაციების გაცვლის მიზნით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს პოლიციელების მიერ ჩადენილ ძალადობის ფაქტებს ადასტურებს

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის