დღეს არ გვაქვს საქმე იმ შემთხვევასთან, როდესაც ვინმე გადადგომას ან გადაყენებას აპირებს, - ამის შესახებ ჟურნალისტებს საქართველოს პარლამენტის თავმჯდომარემ, დავით უსუფშვილმა  განუცხადა.

როგორც პარლამენტის სპიკერმა აღნიშნა, "რესპუბლიკური პარტია" ისევ იმ კურსს მიყვება, რომელიც თვენახევრის წინ განაცხადა.

„მე ვფიქრობ, „რესპუბლიკური პარტია“  მიყვება თანმიმდევრულად იმ კურსს, რაც გაცხადდა თვენახევრის წინ. ჩვენ განვაცხადეთ, რომ არჩევნებზე პარტია მონაწილეობას მიიღებს დამოუკიდებლად. რაც შეეხება უმრავლესობასა და მთავრობაში ყოფნას, ეს დამოკიდებულია ჩვენ  გადაწყვეტილებაზე, ერთის მხრივ და პრემიერის გადაწყვეტილებაზე, მეორეს მხრივ. პირველივე კონკრეტულ თემაზე შორს მიმავალი დასკვნების გაკეთებას არავის  ვურჩევ“,-აღნიშნა დავით უსუფაშვილმა.

ამასთან, მისივე თქმით, პარტიის განცხადებაში, რომელიც 27 მარტს გამოქვეყნდა, ძალიან მკაფიოდ წერია  - "მთავრობაში ვიდრე შევძლებთ ყოფნას და ჩავთვლით, რომ ეს შესაძლებელი და საჭიროა, ვიქნებით".

„ამასობაში,  საარჩევნო კამპანიის მოახლოებისთანავე, თავად კანონი უკრძალავს მინისტრებს თანამდებობის შენარჩუნებას. მეორე მხრივ,  ვთქვი, რომ პრემიერ-მინისტრის გადასაწყვეტია მთავრობის შემადგენლობის საკითხები.  არ მგონია, რომ დღეს გვაქვს საქმე იმ შემთხვევასთან, როდესაც  ვინმე გადადგომას  ან  გადაყენებას აპირებს. კონკრეტული საკითხი, რასაც მოჰყვა საჯარო განცხადება პრემიერ-მინისტრის მხირდან, არის კონკრეტული საკითხი.

მოხარული ვარ, რომ ამ კონკრეტულ საკითხში პრემიერ-მინისტრი და „რესპუბლიკელი“  მინისტრი ზაქარეიშვილი, ისევე როგორც „რესპუბლიკელები“, ვართ ერთ აზრზე და ვამბობთ - იმ განცხადებებს, რომლებიც არ შეესაბამება ჩვენ  განცხადებულ კურსს, მინისტრ ზაქარეიშვილის, ხედაშელის, პარლამენტის თავმჯდომარე უსუფაშვილის, თავმჯდომარის მოადგილე კობახიძის, „ქართული ოცნების“ სხვა წევრების არაერთხელ გაცხადებულ კურსს, როგორმე უნდა გავუმკლავდეთ“, - აღნიშნა დავით უსუფაშვილმა.

მისივე თქმით,  ვისაც ამ კურსთან აქვს პრობლემა, პირველ რიგში, ის ხალხია ჩამოსაყალიბებელი, იდეურადაც და პოლიტიკურადაც.

„თანამოაზრეები ვინც ვართ ამ საქმეში,  უნდა დავრჩეთ თანამოაზრეებად,  ერთად ვიქნებით მთავრობაში, თუ სხვაგვარად მოხდება უახლოეს მომავალში, არჩევნევამდე, თუ არჩევნების შემდეგ“, - აღნიშნა დავით უსუფაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე