ექვსი რეპატრიანტი ოჯახი სახლის მესაკუთრე გახდა

2016-04-22 13:43:58, 578 ნახვა

საზოგადოება

დევნილთა და განსახლების მინისტრი სოზარ სუბარი გორის რაიონის სოფელ წითელუბანში რეპატრიანტ ოჯახებს ესტუმრა და საკუთრების დამადასტურებელი ხელშეკრულებები გადასცა.

ლტოლვილთა და განსახლების სამინისტროს ინფორმაციით, 2006 წელს სახელმწიფომ მუსლიმი მესხების 6 ოჯახისთვის, რომლებმაც საქართველოში დაბრუნებაზე თანხმობა განაცხადეს, გორის რაიონის სოფელ წითელუბანში საცხოვრებელი სახლები შეისყიდა. გარდა ამისა, თითოეულ ოჯახს ინტეგრაციის ხელშესაწყობად 3000 ლარი გადაეცა.

უწყების ინფორმაციით, აზერბაიჯანის სოფელ საათლიდან საქართველოში დაბრუნებული ოჯახებისთვის გადაცემული საცხოვრებელი ფართები ამ დრომდე სახელმწიფოს საკუთრებაში რჩებოდა. 2016 წელს, მთავრობის განკარგულებით აღნიშნულ ოჯახებს სახლები საკუთრებაში გადაეცათ.

დღეის მდგომარეობით, რეპატრიანტის სტატუსი მინიჭებული აქვს 1 533-ს ადამიანს, ხოლო 494-მა რეპატრიანტის სტატუსის მქონე პირმა საქართველოს პირობადებული მოქალაქეობა მიიღო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან