შემოსავლების სამსახურმა ელექტრონული მომსახურების ვებგვერდის სპეციალური ვერსია - სადემონსტრაციო-სასწავლო გვერდი შექმნა, რომელიც გადამხთელთათვის საჭირო ინფორმაციის მიწოდებას და ელექტრონული სარვისებით სარგებლობის უნარების განვითარებას შეუწყობს ხელს.

შემოსავლების სამსახურის ელექტრონული მომსახურების სერვისების ვებგვერდის სადემონსტრაციო-სასწავლო გვერდი http://demo-eservices.rs.ge მოქმედი გადამხდელის პორტალის ანალოგია. სადემონსტრაციო ვებგვერდის საშუალებით, ყველა დაინტერესებულ პირს, იმის მიუხედავად, არის თუ არა იგი რეგისტრირებული გადასახადის გადამხდელი, ეძლევა შესაძლებლობა, შემოსავლების სამსახურის მიერ გადასახადის გადამხდელთათვის შეთავაზებული, ელექტრონული სერვისები შეისწავლოს.

დემოვერსია ყველა ელექტრონულ სერვისს შეიცავს, რომელსაც დღესათვის შემოსავლების სამსახური სთავაზობს მომხმარებლებს და რომლებიც საბაჟო და საგადასახადო ვალდებულებების შესასრულებლად აუცილებელია: ელექტრონული დეკლარირება, ელექტრონული საგადასახადო ვალდებულებების ფაქტურის წარმოება, ელექტრონული სასაქონლო ზედნადების წარმოება, ელექტრონული განცხადებების სერვისი და სხვა.

"დღეს, წარვადგინეთ შემოსავლების სამსახურის ახალი პროდუქტი, რაც არის შემოსავლების სამსახურის ვებ პორტალის სრული ანალოგი. ნებისმიერ პირს შესაძლებლობა ექნება, შევიდეს სისტემაში და ჩაატაროს ის ოპერაციები, რასაც შემოსავლების სამსახურის ვებ გვერდზე აკეთებს. ვთვლით, რომ ეს ძალიან წაადგება ზოგადად ბიზნესს. ამ ეტაპზე ჩვენ მივიღეთ გადაწყვეტილება, რომ ვებგვერდს ჩავურთავთ იმ უმაღლესსასწავლებლებს, რომლებიდანაც იქნება ამის მოთხოვნა. ეს ხვალიდან იქნება შესაძლებელი. მათ მიერ დანახული უზუსტობები გამოსწორდება", - განაცხადა შემოსავლების სამსახურის უფროსის მოადგილემ ვახტანგ ლაშქარაძემ.

ეს არის შემოსავლების სამსახურის სრულიად ახალი საგანმანათლებლო პროექტი, რომელიც საინტერესო იქნება, როგორც ბიზნესის წარმომადგენლების, ასევე დამწყები ბუღალტრებისთვის. ვებგვერდზე ვირტუალურ გადამხდელს შეუძლია შექმნას კომპანია (კომპანიები) და შეისწავლოს ბიზნესსაქმიანობისთვის აუცილებელი გარემო.

ვებგვერდი საშუალებას მისცემს სასწავლო დაწესებულებებს, ბუღალტერიის სასწავლო კურსში გადამხდელის პორტალის შესწავლა ჩართონ, რაც უმნიშვნელოვანესია კვალიფიციური სპეციალისტების მომზადების თვალსაზრისით. შემოსავლების სამსახურის გადაწყვეტილებით, პირველ ეტაპზე, ვებგვერდზე დაშვება, მოთხოვნის შესაბამისად, მიეცემა მხოლოდ დაინტერესებულ უმაღლეს სასწავლებლებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება