დატოვებს თუ არა „ეროვნული ფორუმი“ კოალიცია „ქართულ ოცნებას“, ოფიციალურად დღევანდელი ყრილობის შემდეგ  გახდება ცნობილი, რომელზეც  პარტიის დელეგეტთა წევრები ფარული კენჭისყრის მეშვეობით აღნიშულ საკითხთან დაკავშირებით საკუთარ პოზიციას დააფიქსირებენ.

როგორც „ეროვნული ფორუმის“ ერთ-ერთმა ლიდერმა ანი მიროტაძემ ჟურნალისტებს განუცხადა, თუ დღეს „ეროვნული ფორუმის“ დელეგატთა უმრავლესობა მიიღებს გადაწყვეტილებას, რომ ფორუმმა კოალიცია დატოვოს,  სწორედ ამის შემდეგ, ხვალ გაკეთდება განცხადება უმრავლესობაში  დარჩენა, არ დარჩენასთან დაკავშირებით.

მიროტაძე დარწმუნებუილია, რომ მისი გადაწყვეტილება „ეროვნული ფორუმის“ წევრების გადაწყვეტილებების  მსგავსი იქნება.

„თუ დღეს, გადაწყდება  კოალიციაში ვიქნებით თუ არ ვიქნებით, ამის შემდგომ ხვალ გავაკეთებთ კიდევ განცხადებას. კოალიციიდან  ახლა გასვლა არ ნიშნავს უმრავლესობის ამ წუთში დატოვებას. დღეს ორ მნიშვნელოვან კითხვაზე გასცემს „ეროვნული ფორუმი“ პასუხს, ერთი ის, თუ როგორ გადის „ეროვნული ფორუმი“ 2016 წლის არჩევნებზე-დამოუკიდებლად, თუ საარჩევნო ბლოკში, მეორე- უნდა დატოვოს თუ არა „ეროვნულმა ფორუმმა“ კოალიცია. როგორი გადაწყვეტილება იქნება მიღებული დღეს, შესაბამისად იქნება ჩვენი ქმედებები სამომავლოდ.  მე მჭირდება ლეგიტიმური პასუხი  „ეროვნული ფორუმის“ თითოეული დელეგატისგან იმაზე, რომ პოლიტსაბჭომ ისაუბროს, თუ როგორი იქნება „ეროვნული ფორუმის“ სამომავლო მოქმედება. ფარული კენჭისყრის ფორმით დააფიქსირებენ პოზიციას, დარწმუნებული ვარ, ჩემი გადაწყვეტილება ჩემი პარტიის წევრების გადაწყვეტილების მსგავსი იქნება“,-განაცხადა ანი მიროტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს: რუსთავში ჩხუბისას კაცი წაიქცა, დაზიანება მიიღო, გარდაიცვალა - დაკავებულია 5 პირი

Freedom House: აშშ-სთან ურთიერთობის გადატვირთვა პატიმრების გათავისუფლების გარეშე არ მოხდება

დონალდ ტრამპი - აშშ დღეს ღამით ძალიან ძლიერად დაარტყამს ირანს

შსს: დარიალზე რჩება 17 პირი, უკრაინულ მხარესთან მათ სამშობლოში დაბრუნებაზე ვმუშაობთ