დოლი: მირჩევნია საქართველოსთან ვიზალიბერალიზაცია საპარლამენტო არჩევნებამდე მოხდეს

2016-04-01 09:32:45, 388 ნახვა

პოლიტიკა

„საქართველოს მიიღებს ვიზალიბერალიზაციას და მე ვარ ამისთვის“,-ამის შესახებ „ევროპის სახალხო პარტიის“ პრეზიდენტმა ჟოზეფ დოლიმ დაკავშირებით განაცხადა.

დოლის განცხადებით, ვიზალიბერალიზაციის მიუხედავად, საქართველოში ევროპული რეფორმები უნდა გაგრძელდეს.

„პროცედურა შეიძლება გაგრძელდეს ექვსი თვე, რვა თვე და ა.შ. არსებობს ვადები, რომელიც შეიძლება შეიცვალოს. მირჩევნია საქართველომ ვიზალიბერალიზაცია მიიღოს არჩევნებამდე. ეს გულისხმობს იმას, რომ არის საარჩევნო კამპანია, არის რუსული საფრთხე და უმჯობესია ვიზალიბერალიზაცია მოხდეს არჩევნებამდე. თუ არ მოხდა არჩევნებამდე და გადაიწია, თუ არჩევნები ცუდად ჩატარდება, ევროპარლამენტისთვის არ იქნება კარგი სიგნალი, თუმცა საქართველო მიიღებს ვიზალიბერალიზაციას. მე ვარ ამისთვის. ეს ნამდვილად მოხდება", - აღნიშნა ჟოზეფ დოლიმ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან