სერგეენკოს განცხადებით, ჭარბი წამლისა და პროცედურის დანიშვნის პრობლემის შესამცირებლად, რეფორმები ხორციელდება

2016-03-25 13:26:15, 587 ნახვა

საზოგადოება

შრომის, ჯანმრთელობისა და სოციალური დაცვის მინისტრი დავით სერგეენკო „სამედიცინო ასოციაციების გაერთიანების“ მიერ ჩატარებულ კვლევას გამოეხმაურა, სადაც საუბარია პოლიპრაგმაზიის (ავადმყოფისათვის ერთდროულად გაუმართლებლად მრავალი წამლისა და სამკურნალო პროცედურის დანიშვნა) შემთხვევებზე.
როგორც სერგეენკომ მთავრობის სხდომის დასრულების შემდეგ ჟურნალისტებს განუცხადა, პოლიპრაგმაზიის ფაქტების შესახებ ჯერ კიდევ 2012 წლიდან იყო ცნობილი.
მისივე განმარტებით, რეფორმები, რომლებიც ხორციელდება, გაუმართლებლად ჭარბი წამლისა და სამკურნალო პროცედურის დანიშვნის პრობლემის შემცირებისკენაა მიმართული.
„საქართველოს ჯანდაცვის მთლიან დანახარჯებში მედიკამენტების წილი იყო ძალიან მაღალი. რიგი პირობებით 60%-მდე, ბოლო მონაცემებით კი 40%-მდე. ამას ორი მიზეზი აქვს: წამლის ფასები და სამედიცინო მოვლის ხარისხი, როდესაც ექიმი მაქსიმალურად გადაიზღვევს თავს იმისგან, რომ გამოწეროს ბევრი წამალი. ეს მედიცინაში ცნობილი ფენომენია და მას პოლიპრაგმაზია ჰქვია. ის რეფორმები, რაც მიმდინარეობს, აქეთკენ არის მიმართული. ბაზარზე კონკურენცია და ფასების შემცირება, რისი ტენდენციაც გამოკვეთილია. მეორეს მხრივ, ექიმის გადამზადება და სამედიცინო ხარისიხის მოვლის კონტროლი. ეს არის აპრობირებული მეთოდი და მძლავრი ინსტრუმენტი იმისათვის, რომ ეს პრობლემები მინიმუმდე იყოს დაყვანილი“, - განცხადა სერგეენკომ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან