თამაზ მეჭიაურის მოსაზრება ნამდვილად არ გამოხატავს არც ჩემს და არც ჩემს მახლობლად მყოფი ადამიანების აზრს, - ამის შესახებ "რესპუბლიკური პარტიის" ერთ-ერთმა ლიდერმა ლევან ბერძენიშვილმა საფინანსო-საბიუჯეტო კომიტეტის თავმჯდომარის თამაზ მეჭიაურის იმ განცხადების კომენტირებისას აღნიშნა, სადაც მეჭიაური ამბობს, რომ უმაღლესი თანამდებობის პირები, ვისზეც მაკრომპრომეტირებელი მასალა არსებობს უნდა გადადგნენ.

"მეჭიაურის ეს მოსაზრება ნამდვილად არ გამოხატავს არც ჩემს და არც ჩემს მახლობლად მყოფი ადამიანების აზრს. მე, საერთოდ ვერ გავიგე რა ბრძანა ბატონმა მეჭიაურმა. მგონი აქ არის კომუნიკაციის პრობლემა მისი მხრიდან, არ მგონია, რომ ის უნდა ეთქვა, რაც წამოცდა. თუ ასე ფიქრობს და მეჭიაური არის გულშემატკივარი ტერორიზმისა და თვითონ აქვს, შესაძლოა, რაიმე კადრები, ვერ გეტყვით, მაგრამ მე მგონია კომუნიკაციის პრობლემაა, რაღაც ისე ვერ თქვა ბატონმა თამაზმა", - განაცხადა ლევან ბერძენიშვილმა.

მეჭიაურის განცხადებაზე კომენტარი არ გააკეთეს მთავრობის წევრებმა. მათ მხოლოდ ის განაცხადეს, რომ პირადი ცხოვრების ამსახველი კადრების გავრცელება მათთვის მიუღებელია.

ჯანდაცვის მინისტრმა დავით სერგეენკომ აღნიშნა, რომ ეს ძალიან ხმამაღალი განცხადებაა.

“ეს ისეთი ხმამაღალი განცხადებაა, დაზუსტებისათვის ისევ თამაზს უნდა კითხოთ, ჯობია ჩვენ ყველა ჩვენი საქმით დავკავდეთ“, - აღნიშნა სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება