"არ არის საჭირო სიტყვები, მუქარის მოსმენა, მითითებები, როდესაც  შენი  ქვეყნის ტანკები დგანან  მეზობელი, სუვერენული, დემოკრატიული სახელმწიფოს ტერიტორიაზე  და გადაწყვეტილებების მიხედვით, ყოველდღიურ მოქმედებაში არიან მოყვანილი", - ამის შესახებ საქართველოს თავდაცვის მინისტრმა თინა ხიდაშელმა რუსეთიდან მომავალ საფრთხეებზე  და  ბოლო პერიოდში  მუქარის შემცველი განცხადებების თაობაზე დასმულ კითხვაზე საპასუხოდ განაცხადა.

"ამ კთხვაზე ყველაზე სწორი პასუხი ვფიქრობ, საქართველოს პრეზიდენტმა და პრემიერმა გასცეს  და ამ კითხვაზე ყველაზე სწორი  პასუხი გაცემულია საქართველოს საოკუპაციო ხაზიდან. სამწუხაროდ, აგრესია არა რიტორიკული, არამედ ქმედითი ყოველდღიურად  გამოხატული ნაბიჯ-ნაბიჯ საქართველოს ტერიტორიების  და საზღვრების  გადაწევ-გადმოწევის  მუდმივი მცდელობა არის ყველა ზე უფრო ნათელი დასტური იმ რეალობისა,  რომელშიც  ჩვენ ყოველდღიურად ვცხობრობთ და ამასობაში ასევე არის  ყველაზე ნათელი მაგალითი ჩვენთვის - რისთვის, ან რის წინააღმდეგ უნდა ვცხოვრობდეთ და ვიბრძოდეთ  ყოველდღიურად.

არ არის საჭირო სიტყვები, მუქარის მოსმენა, მითითებები, როდესაც  შენი  ქვეყნის ტანკები დგანან  მეზობელი, სუვერენული, დემოკრატიული სახელმწიფოს ტერიტორიაზე  და ყოველდღიურ მოქმედებაში არიან მოყვანილი იმის მიხედვით, როგორი იქნება  გადაწყვეტილებები  მიღებული შენი ხელმძღვანელობის მიერ. ამიტომ,  ვფიქრობ, აქ ყველაფერი ნათელია,  მარტივია საქართველოს პოზიციაც. ის, რომ  მე დღეს აქ ვდგავარ, ამ ტრიბუნასთან, როგორც ქვეყნის თავდაცვის მინისტრი, ასევე პასუხია  ყველა იმ გამოწვევაზე, რომელიც საქართველოს წინაშე დგას", - განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება

აპრილში საქართველოსთვის ფულადი გზავნილების ძირითად წყაროს ევროკავშირის ქვეყნები და აშშ წარმოადგენდა