ზურაბ აბაშიძე: კარასინის ადგილას, მე ასე არ მოვიქცეოდი

2016-03-21 14:37:25, 386 ნახვა

პოლიტიკა

„გრიგორი კარასინის ადგილას, მე ასე არ მოვიქცეოდი და ამგვარი განცხადების გაკეთებას კოლეგის თანდასწრებით ვარჩევდი”, - ამის შესახებ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ პრაღაში გამართული შეხვედრის დაწყებამდე კარასინის მიერ გაკეთებულ განცხადებებთან დაკავშირებით აღნიშნა.

„სხვა საქმეა რომ ბატონ კარასინის ადგილას, მე ასე არ მოვიქცეოდი და ამგვარი განცხადების გაკეთებას კოლეგის თანდასწრებით ვარჩევდი. ამის თაობაზე აუცილებლად მექნება მასთან საუბარი“, - განაცხადა ზურაბ აბაშიძემ.

შეგახსენებთ, გრიგორი კარასინმა პრაღაში აბაშიძე-კარასინის ორმხრივი შეხვედრის დაწყებამდე განაცხადა, რომ მთავარი საფრთხე საქართველოში საპარლამენტო არჩევნების მოახლოება და პროვოკაციული ანტირუსული რიტორიკის გაზრდაა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან