წულუკიანი: 2012 წელს მოჩენილი გვყავდა ჩვენ-ჩვენი კუდის აგენტები, რომლებიც დაგვდევნენ, გვითვალთვალებდნენ, სახლთან გვყარაულობდნენ

2016-03-18 22:32:46, 488 ნახვა

პოლიტიკა

"2012 წელს მოჩენილი გვყავდა ჩვენ-ჩვენი კუდის აგენტები, რომლებიც დაგვდევნენ, გვითვალთვალებდნენ, სახლთან გვყარაულობდნენ" - ამის შესახებ საქართველოს იუსტიციის მინისტრმა, თეა წულუკიანმა, ტელეკომპანია "იმედის" ეთერში განაცხადა.

წულუკიანის თქმით, წინა მთავრობის დროს გახმაურებულ საქმეებზე გამოძიებები არ იწყებოდა, ხოლო დღეს, რამდენიმე დღეში იდება გამოძიების პირველივე შედეგები.

"ადრე, ჩვენ გვახსოვს, გალახული ოპოზიციონერები, მოკლული ხალხი ქუჩაში, მაგრამ გამოძიებაც კი არ იწყებოდა. დღეს არამხოლოდ გამოძიება იწყება, არამედ რამდენიმე დღეში პირველივე შედეგები არის. ყველას გვახსოვს, რომ 2012 წელს მოჩენილი გვყავდა ჩვენ-ჩვენი კუდის აგენტები, რომლებიც დაგვდევნენ, გვითვალთვალებდნენ, სახლთან გვყარაულობდნენ, რამდენჯერმე სახლიდანაც კი გამოვსუვარ, რომ მათთვის ფოტოები გადამეღო." - განაცხადა წულუკიანმა.

იუსტიციის მინისტრმა იქვე ეკა მიშველაძის ბრალდებას უპასუხა და განაცხადა რომ ეკა მიშველაძის და ალექსი პეტრიაშვილის თვალ-თვალის საკითხზე გამოძიება მიმდინარეობს.