ჯანდაცვის სამინისტროსა და გლობალ ალიანსის პროექტი ,,რა გაწუხებთ’’, მიზნად ისახავს საქართველოს მოსახლეობის სურვილებისა და მოლოდინების, მათი საჭიროებების ზუსტად განსაზღვრას.

პროექტის მნიშვნელობას აფასებენ და თავის მოსაზრებას გამოთქვამენ სხვადასხვა სფეროს წარმომადგენლები. მათ შორის აკადემიკოს ნ. ყიფშიძის სახელობის საუნივერსიტეტო კლინიკა - რესპუბლიკური საავადმყოფოს ზოგადი ქირურგი ნოდარ ლომიძე და თბილისის ცენტრალური საავადმყოფოს ზოგადი ქირურგი – ნუგზარ კუჭავა.

ნოდარ ლომიძე – ,,ინიციატვივა ძალიან კარგია. მეტად მნიშვნელოვანია ქართველი პაციენტების მოლოდინებისა და სურვილების შეფასება. ის რაც კეთდება ნებისმიერ სფეროში და მათ შორის ჯანდაცვაშიც, სწორედ მოსახლეობაზეა გათვლილი, ეს პროექტი კი ხელს შეუწყობს, პაციენტების ყველაზე მნიშვნელოვანი საჭიროებების წინ წამოწევას.

ვფიქრობ, რომ მსგავსი გამოკითხვა ექიმებშიც უნდა განხორციელდეს, რათა ნათელი გახდეს თუ რა არის გამოსასწორებელი კლინიკებში, რა აწუხებთ სხვადასხვა ვიწრო სპეცილისტებს და რის დანერგვას ისურვებდნენ თავიანთ სფეროში.  ვფიქრობ, ყველა განვითარებულ ქყვეყანაში ხდება და ტარდება მსგავსი პროექტები. არც ჩვენს ვართ გამონაკლისი.

ნუგზარ კუჭავა – ,, პროექტი თავისი არსითა და მნიშვნელობით ძალიან კარგია. ვფიქრობ, რომ მოსახლეობის სურვილებისა და მოლოდინების გაგება ხელს შეუწყობს ახალი პროექტების ჩამოყალიბებას. ჩემი აზრით, რაც შეიძლება ბევრი ადამიანი უნდა ჩაერთოს ამ გამოკითხვაში, ყველა ასაკისა და სფეროს წარმომადგენელი. საინტერესო იქნება მათი დამოკიდებულების გაგება ახალ რეფომებთან დაკავშირებით. პირადად მე, დიდი ინტერესით გავეცნობი ამ გამოკითხვების შედეგებს.

გამოკითხვა საინტერესოა იმ თვალსაზრისითაც, რომ გამოიკვეთება ის ძირითადი პრობლემები, რაც კლინიკებში არის. გარკველწილად, ექიმების პრობლემების მოგვარება და გადაჭრა პაციენტების კომფორტის შექმნასაც გულისხმობს, რადგან ექიმის პრობლემები გარკვეულწილად პაციენტის პრობლემადაც იქცევა ხოლმე. ვიმედოვნებ, სამინისტრო  კიდევ ბევრ ახალ და სასარგებლო იდეებს შემოგვთავაზებს’’. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს პოლიციელების მიერ ჩადენილ ძალადობის ფაქტებს ადასტურებს

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის