11 მარტს, 11:00 საათზე ტექნოპარკში (ინოვაციების ქუჩა #7, ოქროყანა, თბილისი) ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტოს, USAID-ის პროექტ „მმართველობა განვითარებისათვის“ (G4G) და AIESEC-ის ორგანიზებით საქართველოში პირველად ახალგაზრდული ინოვაციების სამიტი ჩატარდება.

ინვაციებისა და ტექნოლოგიების სააგენტოს ინფორმაციით, ღონისძების მიზანია, ხელი შეუწყოს ახალგაზრდებს ინოვაციური ბიზნეს იდეების ფორმირებასა და სტარტაპ კომპანიების განვითარებაში. სამიტზე წარმოდგენილნი იქნებიან მომხსენებლები, რომლებმაც ადრეულ ასაკში შეძლეს შეექმნათ წარმატებული ინოვაციური კომპანიები. ისინი ახალგაზრდებს საკუთარ გამოცდილებას გაუზიარებენ. სამიტის მეორე ბლოკში მონაწილეები გაეცნობიან იმ შესაძლებლობებს, რომლებიც მათ საკუთარი კრეატიული იდეების განვითარებაში დაეხმარებათ.

ინოვაციისა და საინფორმაციო ტექნოლოგიების სფეროს განვითარებაში ახალგაზრდებს უდიდესი როლი აქვთ. ამავდროულად, ინოვაციები განსაკუთრებით მნიშნელოვანია სახელმწიფოსათვის, რამდენადაც ის წარმოადგენს ინსტრუმენტს ახალი მომავლის პროფესიების შესაქმნელად, ასევე შემოსავლების ზრდისა და ახალი, ფართო საინვესტიციო შესაძლებლობების წარმოსაჩენად.

ვინაიდან ინოვაციებისა და ტექნოლოგიების სააგენტო ორიენტირებულია მომსახურებების, ინსტრუმენტების, პროგრამებისა და ინფრასტრუქტურული პროექტების ფორმირებაზე,  ის ინოვაციების ახალგაზრდულ სამიტს ყოველწლიურ სახეს მისცემს, რაც კრეატიული და ინოვაციური საზოგადოების ფორმირებას შეუწყობს ხელს.

დაწვრილებითი ინფორმაციისთის იხილეთ ბმული: https://www.facebook.com/events/105266909867280/

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე