„კოალიცია ცვლილებისთვის“ ერთ-ერთი ლიდერი, ნიკა გვარამია რუსთავის მე-5 სასჯელაღსრულების დაწესებულებაში „ნეტგაზეთისა“ და „ბათუმელების“ თანადამფუძნებლის, მზია ამაღლობელის მოსანახულებლად მივიდა.

როგორც მან ჟურნალისტებს განუცხადა, ამ ვითარებაში თავად მზია ამაღლობელია დაზარალებული.

„მზია ამაღლობელი არის სინდისის პატიმარი. ის აქ არ არის, როგორც პოლიტიკოსი. ჩემი დაჭერა ჟურნალისტობის დროს, მაინც უფრო პოლიტიკური მოტივებით იყო, მაგრამ მზია დაკავებულია სწორედ როგორც ჟურნალისტი. რაც ჩვენ ვნახეთ, სილის გაწვნას ვგულისხმობ, ეს არის ადამიანის პასუხი იმაზე, რომ მას შეაფურთხეს. მე მაქვს ჩემი შესაძლებლობები და კავშირები. ვაპირებ, რომ შემოვიარო ყველა საერთაშორისო ორგანიზაცია არამარტო საქართველოში, არამედ მის ფარგლებს გარეთ. ზუსტად ვიცი, რომ მზია ამაღლობელი უნდა გამოვიდეს ციხიდან და გააგრძელოს ის საქმიანობა, რომელსაც უკიდურესად წარმატებულად ეწეოდა აქ. ამ ადამიანს პატივი უნდა ვცეთ არამხოლოდ მისი დამსახურებების გამო, არამედ, პირველ რიგში, იმის გამოც, რომ იგი უბრალოდ საკუთარი პოზიციის გამო იხდის სასჯელს არაფერში. პირიქით, დაზარალებული ამ ვითარებაში მზია ამაღლობელია. ყველაფრის გაკეთებას ვაპირებ, რომ მან დატოვოს საპატიმრო, რაც შეიძლება სწრაფად და ჟურნალისტის დაპატიმრების გამო ზეწოლა მაქსიმალურად გაძლიერდეს საქართველოს ე.წ. ხელისუფლებაზე“, - განაცხადა გვარამიამ.

ცნობისთვის, ბათუმში, „ნეტგაზეთისა“ და „ბათუმელების“ თანადამფუძნებელი და დირექტორი, მზია ამაღლობელი 11 იანვარს დააკავეს. ბათუმის საქალაქო სასამართლომ მას აღკვეთის ღონისძიების სახით პატიმრობა შეუფარდა. გადაწყვეტილება მოსამართლე, ნინო სახელაშვილმა მიიღო.

მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო