გარემოს დაცვისა და სოფლის მეურნეობის მინისტრი ოთარ შამუგია სტაჟირების სამთავრობო პროგრამის მონაწილეებს შეხვდა.

„მინდა მოგილოცოთ პროგრამაში მონაწილეობა და მადლობა გადაგიხადოთ  არჩევანისთვის. ანაზღაურებად სტაჟირებასთან დაკავშირებული პრემიერ-მინისტრის ეს ინიციატივა, თქვენთან ერთად ათასობით კურსდამთავრებულს აძლევს თეორიული ცოდნის პრაქტიკაში გამოყენების შესაძლებლობას. მოხარული ვარ, რომ სხვა საინტერესო პროფესიებთან ერთად, თქვენს შორის არიან ისეთი დეფიციტური პროფესიების წარმომადგენლები, როგორიცაა გეოლოგია, ვეტერინარია, სურსათის უვნებლობა, მევენახეობა-მეღვინეობა.   მინდა გითხრათ, რომ თქვენი მონდომების და სურვილის შესაბამისად, სტაჟირების დასრულების შემდეგ, მოგეცემათ სამინისტროსა და მის სტრუქტურებში დასაქმების უნიკალური შანსი და კარიერული წინსვლის შესაძლებლობა. თქვენ უნდა ემსახუროთ მომავალში ჩვენ ქვეყანას. მოტივირებულ ახალგაზრდებს აუცილებლად ექნება ჩვენი სრული მხარდაჭერა“, - განაცხადა ოთარ შამუგიამ.

შეხვედრაში 50-მდე ახალგაზრდა მონაწილეობდა, რომლებიც გარემოს დაცვისა და სოფლის მეურნეობის სამინისტროსა და სამინისტროს სისტემაში შემავალ უწყებებში ოთხთვიან ანაზღაურებად სტაჟირებას სამთავრობო პროგრამის ფარგლებში გადიან. 

შეხვედრაზე მინისტრმა სამინისტროს საქმიანობის შესახებ ისაუბრა და ყურადღება გარემოსდაცვითი და სოფლის მეურნეობის განვითარების ხელშემწყობი პროგრამების მნიშვნელობაზე გაამახვილა. 

ოთარ შამუგიამ აღნიშნა, რომ  სამინისტრო აქტიურად მუშაობს საქართველოსა და ევროკავშირს შორის არსებული ასოცირების და სხვა საერთაშორისო შეთანხმებებით აღებული ვალდებულებების შესრულების მიმართულებით.

აღსანიშნავია, რომ საქართველოს მთავრობის ინიციატივით, 2024 წლის სექტემბრიდან, სამთავრობო პროგრამის ფარგლებში, ახალგაზრდები სახელმწიფო დაწესებულებებში ოთხთვიან ანაზღაურებად სტაჟირებას გაივლიან. კანდიდატთა შერჩევის დროს ერთ-ერთი უმნიშვნელოვანესი კრიტერიუმი  სტუდენტის აკადემიური მოსწრებაა.

ინფორმაციას გარემოს დაცვისა და სოფლის მეურნეობის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა