2024-09-13 13:14:49, 356 ნახვა

---

საქსტატი - იანვარ-ივნისში ცოცხლად დაბადებულთა რიცხოვნობამ 18 633 ბავშვი შეადგინა - ამავე პერიოდში 22 265 ადამიანი გარდაიცვალა

სტატისტიკის ეროვნული სამსახურის მონაცემებით, საქართველოში 2024 წლის იანვარ-ივნისში ცოცხლად დაბადებულთა რიცხოვნობამ 18 633 ბავშვი შეადგინა. 

საქსტატის ცნობით, ამავე პერიოდში ქვეყანაში 22 265 ადამიანი გარდაიცვალა.

"2024 წლის პირველ ნახევარში ბუნებრივი მატება (სხვაობა ცოცხლად დაბადებულთა და
გარდაცვლილთა რიცხოვნობას შორის) -3 632 კაცით განისაზღვრა.

ბუნებრივი მატების დადებითი მაჩვენებელი დაფიქსირდა თბილისსა (478) და აჭარის ავტონომიურ რესპუბლიკაში (621)",- აღნიშნულია საქსტატის ინფორმაციაში.

მათივე ცნობით, 2024 წლის პირველ 6 თვეში ქორწინების 9 924 და განქორწინების 6 859 შემთხვევაა რეგისტრირებული.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი