მოსამართლე გიორგი გოგინაშვილი უზენაესი სასამრთლოს თავმჯდომარე ნინო გვენეტაძეს მოუწოდებს, თბილისის საქალაქო სასამართლოს თავმჯდომარის მამუკა ახვლედიანის ჯანმრთელობის მდგომარეობით დაინტერესდეს.

იუსტიციის უმაღლესი საბჭოს წევრებმა თბილისის საქალაქო სასამართლოს თავმჯდომარის მოქმედებები დღევანდელ შეკრებაზე შეაფასეს და მამუკა ახვლედიანი გააკრიტიკეს.

ახვლედიანის პოზიციას მის დაქვემდებარებაში მყოფი მოსამართლეების ნაწილი არ იზიარებს და მის განცხადებებს არაადეკვატურს უწოდებს.

„რატომღაც ამ ადამიანმა ბოლო დროს გააკეთა განცხადება იუსტიციის უმაღლესი საბჭოს მიერ მის ეთიკურ დარღვევებთან დაკავშირებით რეაგირებაზე. მან ასეთი რამ თქვა, რომ ის ძალიან წუხს, რომ საბჭო დროს აკარგვინებს ახსნა-განმარტებებში, როცა მოსამართლეები არიან უზომოდ დატვირთულები. მე მინდა ვიკითხო, ვინ არის დატვირთული სასამართლოში? გარდა ახვლედიანისა,  ყველა დატვირთულია; გარდა ახვლედიანისა, ყველაა აქვს უფლება, თქვას, რომ მას ბევრი საქმე აქვს. ახვლედიანი სამი წელია არის თავმჯდომარე სასამართლოსი, მაგრამ მას სამი საქმეც არ განუხილავს. წელიწადში არის 12 თვე და ეს ადამიანი 12 დღე გადაბმულად არ ყოფილა სასამართლოში. ეს ადამიანი არის ან მივლინებაში, ან ბიულეტენზე. მე ქალბატონ თავმჯდომარეს მინდა, მოვუწოდო, რომ დაინტერესდეს ამ ადამიანის ჯანმრთელობის მდგომარეობით,“ – თბილისის საქალაქო სასამართლოს მოსამართლემ, გიორგი გოგინაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას