უკრაინის საგარეო საქმეთა მინისტრმა, დმიტრო კულებამ განაცხადა, რომ გუანჯოუში ჩინელ კოლეგასთან, ვანგ ისთან  მოლაპარაკებების შედეგად მან მიიღო მკაფიო სიგნალი, რომ ჩინეთი არ ეძებს “დროებით გადაწყვეტილებებს“, არამედ მუშაობს მდგრადობასა და რუსეთის ფედერაციის მიერ უკრაინის წინააღმდეგ დაწყებული ომის პრობლემის სტრატეგიული გადაწყვეტაზე. ამის შესახებ “უკრაინსკაია პრავდა" წერს.

გამოცემის ცნობით, კულებამ ასევე აღნიშნა, რომ "პირველი და ყველაზე მნიშვნელოვანი მოლაპარაკება არის ის, რომ ჩინეთი მხარს უჭერს უკრაინის ტერიტორიულ მთლიანობას".

მისი თქმით, ვანგ იმ "ძალიან მკაფიოდ და არაერთხელ განაცხადა, რომ ჩინეთის პოზიცია უკრაინის სუვერენიტეტისა და ტერიტორიული მთლიანობის მხარდაჭერის შესახებ ხელშეუხებელია". 

"მე ვისაუბრე სამართლიანი მშვიდობის მნიშვნელობაზე და არა რამე სახის მშვიდობაზე. და თავად ჩემმა ჩინელმა კოლეგამ დაამატა, რომ - სამართლიანი და ხანგრძლივი. ეს ძალიან მნიშვნელოვანია, რადგან როგორც წესი, ჩვენ მუდმივად ვამბობთ, რომ მშვიდობა უნდა იყოს სტაბილური - ეს მნიშვნელოვანია, ჩვენ მივიღეთ მკაფიო სიგნალი, რომ ჩინეთი არ ეძებს დროებით გადაწყვეტილებებს, დროებით ზავებს, მაგრამ მუშაობს რუსეთის მიერ უკრაინის წინააღმდეგ გაჩაღებული ომის პრობლემის მუდმივ, სტრატეგიულ გადაწყვეტაზე და ეს ასევე ძალიან დადებითი სიგნალია“,- აღნიშნა კულებამ.

ავტორი: ექსპრესნიუსი,

სოციალური ქსელები

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს

ფეხბურთის მსოფლიო ჩემპიონატის ღია ჩვენებასთან დაკავშირებით, 7 ივლისიდან 21 ივლისის ჩათვლით, პირველი რესპუბლიკის მოედანზე მოძრაობა დროებით შეიზღუდება