კრწანისის რაიონში ინფრასტრუქტურული სამუშაოები გრძელდება.

კრწანისის რაიონის გამგებელი გიორგი კოპალეიშვილი და  თბილისის საკრებულოს კრწანისის რაიონის მაჟორიტარი დეპუტატი ბექა ნაცვლიშვილი დაესწრო სოფელ ფონიჭალაში, რუსთაველის ქუჩაზე ასფალტის დაგების სამუშაოებს.

როგორც „ექსპრესნიუსთან“ საუბარში კრწანისის რაიონის გამგებელმა გიორგი კოპალეიშვილმა აღნიშნა, სოფელ ფონიჭალაში 3400 კვადრატული მეტრის ასფალტის საფარი დაიგება.

„კრწანისის გამგეობამ აქტიურად დაიწყო საგზაო სამუშაოების წარმოება.  ჩვენ ახლა ვიმყოფებით  ქვემო ფონიჭალაში, სადაც იგება 3400 კვადრატული მეტრი ასფალტის საფარი.  სოფელ ფონიჭალაში იეთიმგურჯის შესახვევში 700 კვადრატული მეტრი  და ამავდროულად  2000-ზე  მეტი კვადრატული მეტრი  ასფალტის საფარი იგება თბილისში,  ბერძნის ქუჩაზე. სამუშაოები რა საკვირველია გაგრძელდება, ვინაიდან ამაში ამინდებიც გვიწყობს ხელს. კონკრეტულად  ფონიჭალაში  ჩვენ  დაგეგმილი გვაქვს ყველა ქუჩა იყოს მოასფალტებული ამ წელს. წლის განმავლობაში ჩვენ გვინდა, რომ ყველა ქუჩაში დავაგოთ გზა  და საერთოდ, რაიონში ყველა პრობლემა რაც არის დაკავშირებული გზებთან და ქუჩებთან  მოვაგვაროთ უმოკლეს ვადაში“,-განაცხადა გიორგი კოპალეიშვილმა.

ამასთან, თბილისის საკრებულოს კრწანისის რაიონის მაჟორიტარმა  დეპუტატმა  ბექა ნაცვლიშვილმა სოფელ ფონიჭალაში მიმდინარე  ინფრასტრუქტურულ სამუშაოებზე ისაუბრა.

ნაცვლიშვილის თქმით, სოფელ ფონიჭალაში ინფრასტრუქტურული სამუშაოები  გაგრძელდება.

„სოფელ ფონიჭალაში  3400 კვადრატულ მეტრზე იგება  ასფალტი, 700 კვადრატული   იეთიმგურჯის ქუჩაზე, ხოლო 2400 კვადრატული იგება რუსთაველის ქუჩის პარალელურ ქუჩაზე. რაც  შეეხება სამომავლო და ინფრასტრუქტურულ სამუშაოებს, მაგალითად, გოგებაშვილის ქუჩაზე არის კედელი ჩავარდნილი და კედლის არდგენას ვგეგმავთ. იმიტომ რომ ეს საშუალებას მოგვცემს იქ ასფალტი დავაგოთ.  „ჯორჯიან უოთერ ენდ ფოუერთან“   თანამშრომლობით უნდა ვცადოთ სოფელში კანალიზაციის გაყვანა, ეს პრობლემა დგას და ამას აუცილებლად მოვაგვარებთ“,-განაცხადა ბექა ნაცვლიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Reuters: შეერთებული შტატები მსოფლიოში ნავთობის უმსხვილესი ექსპორტიორი გახდა

WSJ: ტრამპს სურს, რომ კონგრესმა „გააუქმოს“ მისი პირველი ვადის იმპიჩმენტი

სეულის სასამართლომ სამხრეთ კორეის ყოფილ პრეზიდენტს 30 წლით თავისუფლების აღკვეთა მიუსაჯა

რუსეთმა „ხოჭოების“ გამო სომხეთიდან ყველა სახის ბოსტნეულის, ხილისა და თხილის იმპორტი აკრძალა