ეს კანონი ემსახურება საქართველოსი ყველა საჯარო ორგანიზაციის მაქსიმალურ გამჭვირვალობას და მისი მთავარი მიზანია ჩვენი ქვეყნის დამოუკიდებლობის და სუვერენიტეტის კიდევ უფრო მეტად გაძლიერება,- განაცხადა აჭარის მთავრობის თავმჯდომარემ, თორნიკე რიჟვაძემ.

მისი თქმით, „აქ საუბარია, არასამთავრობო სექტორზე, მათ შორის მედიის საშუალებებზე, რომლებიც  20%-ზე მეტ დაფინანსებას იღებენ უცხოეთიდან. შესაბამისად, ეს კანონი ეფუძნება ქვეყნის ძირითად ფუნდამენტურ პრინციპებს, სუვერენიტეტს".

„ჩვენ ვმოქმედებთ ჩვენი სახელმწიფოს და ჩვენი ხალხის ინტერესებიდან გამომდინარე პირველ რიგში და შესაბამისად, იქნება მიღებული ეს კანონი. იცით, რომ ძალიან მალე დაიწყება მუხლობრივი განხილვა, შემდეგ დღეებში ყველას მიეცემა საშუალება ჩაერთოს და ასევე, იცით, რომ შეთავაზება იყო გაკეთებული მაქსიმალურად არგუმენტებზე დაფუძნებული ფართო მსჯელობა გამართულიყო, თუმცა, ამ შემთხვევაში მეორე მხრიდან, ვისაც შესაბამისი შენიშვნები აქვს ამ კანონთან დაკავშირებით, არ მოხდა ამ დისკუსიაში ჩართვა.

ჩვენ ვნახეთ განცხადებები არაერთი ინსტიტუტისგან, კიდევ ერთხელ ვიმეორებ, ეს კანონი ემსახურება საქართველოში ყველა საჯარო ორგანიზაციის მაქსიმალურ გამჭვირვალობას და მისი მთავარი მიზანია ჩვენი ქვეყნის დამოუკიდებლობის და სუვერენიტეტის კიდევ უფრო მეტად გაძლიერება, საბოლოო ჯამში სწორედ ეს იქნება საფუძველი, რომ გავხდეთ ევროპული ოჯახის წევრი. თქვენგან მოულოდნელად მივიღეთ კანდიდატის სტატუსი, ასე რომ ყველაფერი მიდის ჩვენი ქვეყნის და ჩვენი ხალხის ინტერესებიდან გამომდინარე, მათ შორის, კანონშემოქმედებითი საქმიანობაც და ყველა უნდა მოემზადოთ, რომ ახალი რეგულაციების მიხედვით მოხდეს ყველა შემოსავლის დეკლარირება", - განაცხადა თორნიკე რიჟვაძემ მედიასთან საუბრისას.

ავტორი: NS (სტატია დაფინანსებულია),

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება