მაჭახელას ეროვნულ პარკში შვედეთის საგანგებო და სრულუფლებიანი ელჩი საქართველოში ანნა ლიბერგი, შვედეთის საელჩოს განვითარების თანამშრომლობის გარემოსდაცვითი პროგრამის ხელმძღვანელ ხათუნა ზალდასტანიშვილთან ერთად იმყოფებოდა. ამის შესახებ ინფორმაციას დაცული ტერიტორიების სააგენტო ავრცელებს. 

სააგენტოს ცნობით, სტუმრებმა მაჭახელას ეროვნული პარკის თანამედროვე ვიზიტორთა ცენტრი დაათვალიერეს, გაეცნენ მაჭახელას ეროვნული პარკის საქმიანობას როგორც უნიკალური ბიომრავალფეროვნების დაცვა-შენარჩუნების, ისე ეკოტურიზმის განვითარების მიმართულებებით.

„მაჭახელას ეროვნული პარკი უნიკალური ბუნებით გამორჩეული, საქართველოში ერთ-ერთი პოპულარული დაცული ტერიტორიაა. მაჭახელას ეროვნული პარკის განვითარების პროცესში, გარემოს დაცვისა და სოფლის მეურნეობის სამინისტროსა და დაცული ტერიტორიების სააგენტოსთან ერთად, აქტიურად არიან ჩართული დონორი ორგანიზაციები; მათ შორის, შვედეთის საერთაშორისო განვითარების თანამშრომლობის სააგენტოს (შიდა) პროექტის „გადავარჩინოთ ბუნება - საქართველო“ ფარგლებში, მაჭახელას ეროვნული პარკისთვის დაგეგმილია მენეჯმენტის გეგმის შემუშავება. მენეჯმენტის გეგმა ითვალისწინებს გრძელვადიანი მიზნებისა და მათ მისაღწევად აუცილებელი მართვის შესაბამისი მიდგომებისა და ღონისძიებების განსაზღვრას, რომლებიც დაცული ტერიტორიების სააგენტომ განსაზღვრულ ვადაში უნდა განახორციელოს.

სტუმრებს დაცული ტერიტორიების სააგენტოს თავმჯდომარის მოადგილემ, თამარ ხახიშვილმა და ადმინისტრაციის წარმომადგენლებმა უმასპინძლეს“, - აღნიშნულია დაცული ტერიტორიების სააგენტოს ინფორმაციაში. 

ავტორი: NS (სტატია დაფინანსებულია),

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე