წალენჯიხის მუნიციპალიტეტის ქალაქ ჯვარში, უკრაინაში მებრძოლი ქართველი ჯარისკაცის, ლევან ფიფიას ბანერს წითელი საღებავი შეასხეს. ამის შესახებ ინფორმაციას წალენჯიხის მერია ავრცელებს.

წალენჯიხის მერის, გია ხარჩილავას განცხადებით, ყველა მსგავსი ქმედების უკან "ქართული ოცნება" და "მმართველი გუნდის მიერ წახალისებული მარგინალური ჯგუფები დგანან". 

"ლევან ფიფია უკრაინაში მებრძოლი "ქართული ლეგიონის" გამორჩეული მებრძოლია. ამ ქვეყანაში დათარეშობენ ხელისუფლების მიერ წახალისებული მარგინალური ჯგუფები, რომლებიც მთელი გულით გულშემატკივრობენ რუსეთის გამარჯვებას, როგორც ჩვენი ხელისუფლება, რადგან ჩვენი ხელისუფლებისთვის, "ქართული ოცნებისთვის" ეგზისტენციალური, სასიცოცხლო მნიშვნელობისაა ამ ომში უკრაინის დამარცხება და ის ახალისებს ჯგუფებს, რომლებიც ქალაქებში, ქუჩებში ამ უღირსი მეთოდებით ებრძვიან თავისუფლების იდეას.

მე მინდა, მათ ვუთხრა, რომ უკრაინა გაიმარჯვებს, საქართველო გაიმარჯვებს, უკრაინაში გადაწყდება საქართველოს ბედი და მათი ძალაუფლებიდან ჩახნის ბედი... მსგავსი უღირსი მეთოდებით საზოგადოებაში იმ აზრის დამკვიდრება, რომ მათ თავისუფლებას შეაქციონ ზურგი, "ქართულ ოცნებას" არ გამოუვა",- აცხადებს ხარჩილავა საგანგებო ვიდეომიმართვაში.

მერიის ინფორმაციით, ხარჩილავა მომხდართან დაკავშირებით აქციასაც აანონსებს.

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა