2024-03-07 12:54:56, 721 ნახვა
საზოგადოება
კობახიძე - ჟიული შარტავა გმირობის მაგალითია - მან სიცოცხლე გაწირა და ქართველი კაცის ღირსების სიმბოლოდ იქცა
საქართველოს პრემიერ-მინისტრი ირაკლი კობახიძე საქართველოს ეროვნულ გმირის, ჟიული შარტავას 80 წლის იუბილეს „ფეისბუქზე" ეხმაურება.
როგორც მთავრობის მეთაური აღნიშნავს, ჟიული შარტავა ყველასთვის გმირობისა და თავგანწირვის მაგალითია.
"დღეს საქართველოს ეროვნულ გმირს, ჟიული შარტავას 80 წელი შეუსრულდებოდა.
ჟიული შარტავა გმირობისა და თავგანწირვის მაგალითია თითოეული ჩვენგანისთვის და მომავალი თაობებისთვის. მან საკუთარი სიცოცხლე გაწირა და ქართველი კაცის ღირსების სიმბოლოდ იქცა.
მჯერა, ისტორია მის გმირობას არასოდეს დაივიწყებს", - აღნიშნავს პრემიერ-მინისტრი.
ავტორი: ექსპრესნიუსი,
epn.ge (@expressnews.ge)
