უკრაინის პრეზიდენტი ვოლოდიმირ ზელენსკი ნიკოლაივში ჩავიდა, სადაც ნიკოლაევის რეგიონის გუბერნატორს, ვიტალი კიმს შეხვდა. აღნიშნულის შესახებ ინფორმაციას უკრაინის პრეზიდენტის ადმინისტრაციის პრესსამსახური ავრცელებს.

უწყების ცნობით, შეხვედრის მონაწილეებმა ზელენსკის რეგიონში არსებული ვითარების შესახებ მიაწოდეს ინფორმაცია. გარდა ამისა, ზელენსკიმ ნიკოლაევში ვიზიტის დროს სამხედრო ჰოსპიტალიც მოინახულა, სადაც დაჭრილი ჯარისკაცები მკურნალობენ.

"კერძოდ, პრეზიდენტს მიეწოდა ინფორმაცია დეოკუპირებულ დასახლებებში წყლისა და გაზმომარაგების კუთხით არსებული მდგომარეობის შესახებ, ასევე ზოგადად გათბობის სეზონისთვის მზადების შესახებ.

ოდესის ჯარების ოპერატიულ-სტრატეგიული ჯგუფის მეთაურმა, ანდრეი გნატოვმა ისაუბრა შავ ზღვაში უსაფრთხოების ვითარებაზე.

რეგიონის ძალოვანი სტრუქტურების ხელმძღვანელებმა პრეზიდენტს ნიკოლაივის ოლქის ტერიტორიაზე არსებული ოპერატიული და კრიმინოგენური ვითარების შესახებ მიაწოდეს ინფორმაცია", - აღნიშნულია უკრაინის პრეზიდენტის ადმინისტრაციის პრესსამსახურის ინფორმაციაში.

ავტორი: ექსპრესნიუსი,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის