საქართველოს ეროვნული ბოტანიკური ბაღის ორგანიზებით, 23-24 სექტემბერს „პურის ფესტივალი“ მეოთხედ გაიმართება. აღნიშნულის შესახებ ინფორმაციას თბილისის მერია ავრცელებს.

უწყების ცნობით, ღონისძიებას ქართული ფოლკლორული ანსამბლი „მჭელი“ გახსნის. წარმოდგენილი იქნება ბოტანიკური ბაღის ქართული მარცვლოვანი კულტურების კოლექცია და საქართველოში მოქმედი პურის მწარმოებელი კომპანიების სარეალიზაციო პროდუქცია. სპეციალურად გამოყოფილ სივრცეში პურის ცხობის მასტერკლასები ჩატარდება.

„დამთვალიერებელი ორი დღის განმავლობაში იხილავს შემეცნებით ილუსტრაციას ხორბლის ქართული ენდემური სახეობების გავრცელების შესახებ, ასევე, წარმოდგენილი იქნება ღვინის კუთხე, სადაც დაინტერესებული პირები ქართული ღვინის ისტორიას გაეცნობიან  და სხვადასხვა სახეობის ღვინოს დააგემოვნებენ.

ღონისძიებაზე დაგხვდებათ ქართული, ტრადიციული თემატური სამოსი, ასევე, ძველი ისტორიული ფოტოები, რომელზეც ასახულია პურთან დაკავშირებული საინტერესო ფაქტები.

„პურის ფესტივალზე“ დამთვალიერებელს შესაძლებლობა ექნება, დააგემოვნოს სხვადასხვა სახეობის ქართული პური, დაესწროს მესხური ქადების, ცომის მომზადებისა და თონეში პურის ცხობის მასტერკლასს და ჩაერთოს თემატურ გათამაშებებში.   

ფესტივალს მუსიკალურად გიორგი ცხადაძე, თაკო კაკალაშვილი და ბენდი გააფორმებს. ღონისძიების დასასრულს გაიმართება სემინარი „ქართული ხორბლის კულტურა“,  რომლის შემდეგაც ფესტივალზე მისული სტუმრები გიგი პიანომენის ცოცხალ შესრულებას დაესწრებიან.

ღონისძიება 23 და 24 სექტემბერს, 12:00 საათიდან დაიწყება და 18:00 საათამდე გაგრძელდება“,- აღნიშნულია ინფორმაციაში.    

ავტორი: NS (სტატია დაფინანსებულია),

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ