გარემოს დაცვისა და სოფლის მეურნეობის მინისტრის მოადგილემ, თენგიზ ნასარიძემ, თხილის მწარმოებელთა ხელშემწყობი  სახელმწიფო პროექტის შედეგებზე ისაუბრა. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

როგორც მინისტრის მოადგილემ აღნიშნა, პროექტის ფარგლებში აღრიცხულია დაახლოებით 44 000 ჰა-ზე მეტი ფართობი თხილის ბაღები. სახელმწიფოს მხრიდან ფერმერებმა 20 მილიონ ლარზე მეტი ღირებულების დახმარება მიიღეს. აგროვადების დაცვით მოვლილ ბაღებში გაზრდილია მოსავლის რაოდენობა და მაღალია ხარისხი.

„ჩვენი ქვეყნისთვის თხილი ერთ-ერთი პრიორიტეტული კულტურაა. შესაბამისად, უშუალოდ ამ მიმართულებით, ფერმერების დასახმარებლად არაერთი მიზნობრივი პროგრამა ხორციელდება. განსაკუთრებით აღსანიშნავია სახელმწიფო პროგრამა, რომელიც შარშან დაიწყო და რომლის ფარგლებში, ყველა ფერმერს, ვისაც სამ ჰექტრამდე მიწის ნაკვეთზე აქვს გაშენებული თხილის კულტურა, ერთ ჰექტარზე გადაანგარიშებით, მიზნობრივად გაეწია დახმარება 500 ლარის ოდენობით. ამ თანხით, სპეციალიზებულ მაღაზიებში, ფერმერებს შეეძლოთ თხილის მოყვანისა და მოვლისთვის შესაბამისი საშუალებების შეძენა, რაც ძალიან მნიშვნელოვანი თანადგომა იყო სახელმწოფოს მხრიდან. ეს თანხა სავსებით საკმარისია იმისთვის, რომ სწორად და ეფექტიანად წარიმართოს თხილის კულტურის მოვლა. თხილი, ისევე როგორც სხვა სასოფლო-სამეურნეო კულტურები, საჭიროებს მოვლის სწორ ღონისძიებებს, რათა მივიღოთ მოსავლის სათანადო ხარისხი და შესაბამისი პროდუქტიულობა. შედეგები უკვე აშკარაა - წლევანდელი მოსავალი გამოირჩევა ხარისხით და პროდუქტიულობით, ამას დავინახავთ ყველა. ვფიქრობთ, რომ საქართველოს მთავრობის მხრიდან უშუალოდ თხილის მწარმოებელ ფერმერებზე გაწეულმა დახმარებამ შედეგი გამოიღო. ამ მხარდაჭერის გათვალისწინებით, ძალიან კარგ მოსავალს ველოდებით“, - აღნიშნა ნასარიძემ.

მისივე თქმით, გარკვეული ტიპის სპეკულაციებზე აყოლა უადგილოა.

„ნებისმიერი თემის პოლიტიკურ ჭრილში გადაყვანა ახალი არ არის. ჩვენ კიდევ ერთხელ ვაცხადებთ, რომ გარკვეული ტიპის სპეკულაციებზე აყოლა უადგილოა. ჩვენ გვაქვს წარმატებული პროექტი, რომლის ფარგლებშიც უპრეცედენტო დახმარება გაეწია მეთხილეობის დარგს.  ფერმერებს საშუალება ჰქონდათ, შეეძინათ შესაბამისი საშუალებები თხილის მოვლისა და მოყვანისთვის, რაც მათმა უმეტესობამ  გამოიყენა და მიიღო მეტი მოსავალი, ვიდრე წინა წლებში. ხაზგასმით შემიძლია ვთქვა, ხარისხიან თხილის რეალიზების პრობლემა არ არსებობს“, - განაცხადა ნასარიძემ.

ავტორი: NS (სტატია დაფინანსებულია),

სოციალური ქსელები

ინტერნეტ მემი პროტესტად გადაიქცა: „ტარაკნების პარტიამ“ ნიუ დელიში უვადო საპროტესტო აქცია დაიწყო

კობახიძემ უკრაინელ ბავშვებს უმასპინძლა რომლებმაც მამები ომში დაკარგეს

Axios: ტრამპი აღიარებს, რომ „ანკორიჯის სულისკვეთებას“ ტოვებს

ტრამპი ირანზე - შეიძლება დადგეს დრო, როდესაც სამხედრო საშუალებებით მოგვიწევს დავასრულოთ ის, რაც დავიწყეთ