ჭიათურაში მაღაროელების პროტესტი გრძელდება. რამდენიმედღიანი უწყვეტი პროტესტის შემდეგ, ჭიათურაში, დაახლოებით, 10-მა მაღაროელმა შიმშილობა დაიწყო. 

როგორც მაღაროელებმა მედიასთან საუბრისას განაცხადეს, პროტესტის ამ უკიდურეს ფორმას მას შემდეგ მიმართეს, რაც კომპანია "ჯორჯიან მანგანეზი" დათმობაზე არ წავიდა.

"პროტესტის მერვე დღეა - ვშიმშილობთ 10 კაცი. გუშინ საღამოს მივიღეთ შიმშილობის გადაწყვეტილება იმიტომ, რომ ჩვენი მინიმალური მოთხოვნები საერთოდ გულთან არ მიიტანეს. საერთოდ არანაირ დათმობაზე არ წამოვიდნენ, ამიტომ მივმართეთ უკიდურეს ფორმას",- განაცხადა ერთ-ერთმა მაღაროელმა.

შეგახსენებთ, რომ მანამდე 6 ივნისს, ჭიათურაში 3 000-ზე მეტი მაღაროელი სამუშაო პირობების გაუმჯობესების მოთხოვნით გაიფიცა.

მაღაროელების მთავარი მოთხოვნებია:

• ხელფასის ზრდა ქვეყანაში არსებული ინფლაციის გათვალისწინებით;
• ძველ სამუშაო გრაფიკზე დაბრუნება, შრომის უსაფრთხოების დაცვა;
• აღჭურვილობისა და სპეცტანსაცმლის შეცვლა, სანგრების განიავება;
• სადაზღვევო კომპანიის შეცვლა;
• საპენსიო დანაზოგის გაუქმება, საშემოსავლოს შემცირება, კუთვნილი შვებულებით სარგებლობა;
• ქალაქის ეკოლოგიური საკითხის მოწესრიგება.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს