ჩვენ დაგვარწმუნეს, რომ საქართველო ზრუნავს ყველა პატიმარზე, მათ შორის მიხეილ სააკაშვილზე, - ამის შესახებ საქართველოში უნგრეთის ელჩმა ანა მარია შიკომ იუსტიციის მინისტრ, რატი ბრეგაძესთან შეხვედრის შემდეგ განაცხადა.

მისივე თქმით, ევროკავშირში გაწევრიანების გზაზე უნდა არსებობდეს კანონის უზენაესობა და ის ყველასთვის თანაბარი და სამართლიანი უნდა იყოს. 

„ძალიან საინტერესო და ნაყოფიერი დისკუსია გვქონდა. ეს იყო ძალიან ღია და გულახდილი საუბარი. საქართველოს სასამართლოების გადაწყვეტილებების შემდეგ, ასევე სტრასბურგის სასამართლომაც მიიღო გადაწყვეტილება. ჩვენ არც იურისტები ვართ და არც ექიმები - ვიცით, რომ ეს საქმე ასევე არის პოლიტიკური, მაგრამ პოლიტიკაზე კომენტარს ვერ გავაკეთებთ. ეს უშუალოდ საქართველოს და ქართველი ხალხის გადასაწყვეტია. გვსურს დავრწმუნდეთ, რომ საქართველო ზრუნავს ყველა თავის პატიმარზე, იქნება ეს პოლიტიკოსი თუ სხვა, აუცილებელია სამართლიანი მოპყრობა. ევროკავშირში გაწევრიანების გზაზე უნდა არსებობდეს კანონის უზენაესობა და ის ყველასთვის თანაბარი და სამართლიანი უნდა იყოს. ჩვენ დაგვარწმუნეს, რომ საქართველო ზრუნავს ყველა პატიმარზე, მათ შორის მიხეილ სააკაშვილზე“, - განაცხადა უნგრეთის ელჩმა.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო