რუსეთისთვის სანქციების დაწესება ნიშნავს საკუთარი ქვეყნის და ხალხის დასჯას. ამას ითხოვდნენ ჩვენგან და ახლაც ამას ითხოვენ. გამოვიდა მათ შორის სალომე ზურაბიშვილი და პირდაპირ ისაუბრა სანქციების დაწესებაზე. ანუ, მათ უნდათ, ჩვენ რომ გვქონდა პლიუს 10% ეკონომიკური მაჩვენებელი, გვქონოდა, მინუს - 10%, - ამის შესახებ  „ქართული ოცნების“ თავმჯდომარემ, ირაკლი კობახიძემ განაცხადა.

კობახიძემ განმარტა, რას შეიძლება ნიშნავდეს რუსეთისთვის საქართველოს მიერ სანქციების დაწესება.

„საზოგადოებას კიდევ ერთხელ, ციფრებში მინდა განვუმარტო, რას შეიძლება ნიშნავდეს რუსეთისთვის საქართველოს მიერ სანქციების დაწესება, რას გვაიძულებდნენ კონკრეტული ადამიანები, პირველ რიგში, რადიკალური ოპოზიცია. 2022 წელს ჩვენ გვქონდა, ორნიშნა - 10% -ზე მეტი ეკონომიკური ზრდა. სანქციები რომ დაგვეწესებინა ომის დაწყების შემდეგ, რაც იყო მათი მოთხოვნა, არა მარტო მათი სხვებისაც, არ მინდა აქ სიღრმეში შევიდე, ამ შემთხვევაში, ეკონომისტების დათვლით და ბევრნაირი კონსულტაცია გავიარეთ ამასთან დაკავშირებით, ჩვენ გვექნებოდა, 10-დან, 18%- მდე ეკონომიკური ვარდნა. რუსეთისთვის სანქციების დაწესება ეს ნიშნავს საკუთარი ქვეყნის და ხალხის დასჯას. ამას ითხოვდნენ ჩვენგან და ახლაც ამას ითხოვენ. გამოვიდა მათ შორის სალომე ზურაბიშვილი და პირდაპირ ისაუბრა სანქციების დაწესებაზე. ანუ მათ უნდათ, რომ ჩვენ რომ გვქონდა პლიუს 10% ეკონომიკური მაჩვენებელი გვქონოდა, მინუს 10%.  კოვიდის დროს ჩვენ გვქონდა 6,5% ეკონომიკური ვარდნა და ლამის დაიქცა მთელი ეკონომიკა, აქ საუბარია მინიმუმ 10%-იან ეკონომიკურ ვარდნაზე. ამას ითხოვდნენ ჩვენგან, რომ დაგვესაჯა საკუთარი ქვეყანა და საკუთარი ხალხი და დღესაც ამას ითხოვენ. ანუ, როცა ისინი საუბრობენ იმაზე, რომ ტექნიკური დოკუმენტები არ უნდა გაგზავნილიყო, არაფორმალური, ან ფორმალური სანქცია უნდა დაგვეწესებინა, ამით ისინი ითხოვენ საკუთარი  ქვეყნის და საკუთარი ხალხის დასჯას“, - განაცხადა ირაკლი კობახიძემ საქართველოს პირველი არხის გადაცემაში „თავისუფალი ხედვა“. 

ავტორი: ექსპრესნიუსი,

სოციალური ქსელები

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც