მზად ვარ, რუსეთ-საქართველოს საპარლამენტო თანამშრომლობის ჯგუფის შექმნის საკითხი დავაყენო,- ამის შესახებ რუსეთის "დუმის" დეპუტატმა, ევგენი პოპოვმა რუსულ პროპაგანდისტულ მედია "რია ნოვოსტისთან" საუბრისას განაცხადა.

პოპოვის თქმით, ეს ორმხრივად მოძრაობის გზაა და ამ ეტაპზე არანაირი "საპარლამენტო თანამშრომლობის" ჯგუფების შექმნა არ იგეგმება, ვინაიდან რუსეთ-საქართელოს შორის ბევრი წინააღმდეგობაა.

"ჟურნალისტები რუსეთის და საქართველოს პარლამენტების დონეზე ურთიერთობების დათბობაზე და ურთიერთ თანამშრომლობისთვის "მეგობრობის ჯგუფის" შექმნაზე  მეკითხებიან; რუსეთის დუმაში მსგავსი ჯგუფი გასაგები მიზეზების გამო არ იქმნებოდა, რადგან საქართველოსა და რუსეთს შორის, დიპლომატიური ურთიერთობები შეწყვეტილია.

მზად ვარ, ეს საკითხი განსახილველად გამოვიტანო სახელმწიფო სათათბიროს თავმჯდომარის და დუმის საბჭოს წინაშე. დარწმუნებული ვარ, "საპარლამენტო თანამშრომლობის" ჯგუფები მოსკოვსა და თბილისში შეძლებდნენ საკუთარი წვლილი შეეტანათ ორ ქვეყანას შორის ეკონომიკურ ურთიერთთანამშრომლობაში. რა თქმა უნდა, ამ ეტაპზე არ არის საუბარი რაიმე „სამეგობრო“ ჯგუფზე. ჩვენს ქვეყნებს შორის ბევრი წინააღმდეგობაა. ეს არ აუქმებს საპარლამენტთაშორისო დიალოგის შესაძლებლობას ჩვენი ქვეყნების და ხალხის ინტერესებიდან გამომდინარე",- განაცხადა პოპოვმა. 

ავტორი: ექსპრესნიუსი,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით