პრეზიდენტის ინსტიტუტის მორიგ ჯერზე დაკნინების მიზნით და ქვეყნის ევროპული მომავლის საბოტაჟის დღის წესრიგით, „ქართულმა ოცნებამ“ გადაწყვიტა დაიწყოს საარჩევნო ადმინისტრაციის სრული უზურპაციის პროცესი და ფაქტობრივად, მოემზადოს არჩევნების ტოტალური გაყალბებისთვის,- ამის შესახებ „ლელოს“ დეპუტატმა, სალომე სამადაშვილმა განაცხადა.

როგორც სამადაშვილმა პარლამენტში გამართულ ბრიფინგზე აღნიშნა, მმართველ პოლიტიკურ პარტიას აქვს განცდა, რომ ძალაუფლების შენარჩუნებას მხოლოდ არჩევნების სრული გაყალბებით შეძლებს.

"რატომ სჭირდება ეს "ქართულ ოცნებას"? - ეს სჭირდება იმიტომ, რომ ყველა გამოკითხვა ადასტურებს, რომ "ქართული ოცნება" შემდეგ საპარლამენტო არჩევნებს წააგებს. მათ აქვთ განცდა, რომ მხოლოდ არჩევნების სრული გაყალბებით შეიძლება შეინარჩუნონ ხელისუფლება",- ამბობს სალომე სამადაშვილი.

შეგახსენებთ, ცენტრალური საარჩევო კომისიის თავმჯდომარეობისა და ე.წ. პროფესიული წევრობის კანდიდატების შერჩევის და საკანონმდებლო ორგანისთვის წარდგენის უფლებამოსილება პრეზიდენტის ნაცვლად, პარლამენტის თავმჯდომარეს ექნება. ცვლილებები, რომელიც აღნიშნულს ითვალისწინებს და რომელთა ინიციატორებიც "ქართული ოცნების" დეპუტატები არიან, „საარჩევნო კოდექსსა“ და რეგლამენტში შედის.

ავტორი: ექსპრესნიუსი,

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს