2023-04-29 12:05:42, 1483 ნახვა
ომი უკრაინაში
რუსეთის მიერ ანექსირებულ სევასტოპოლში საწვავის ავზი იწვის
რუსეთის მიერ ანექსირებულ სევასტოპოლში ნავთობბაზაზე ხანძარი გაჩნდა. ამის შესახებ ინფორმაციას რუსეთის მიერ დანიშნული გუბერნატორი, მიხაილ რაზვოჟაევი ავრცელებს.
მისივე განმარტებით, ხანძარი წინასწარი ინფორმაციით უპილოტო საფრენი აპარატის თავდასხმის შედეგად გაჩნდა.
ცეცხლი 1000 კვადრატულ მეტრ ფართობზეა გავრცელებული, შემთხვევის შედეგად არავინ დაშავებულა.
"საწვავის ავზი იწვის....წინასწარი ინფორმაციით, ხანძარი შესაძლოა გამოეწვია დრონით თავდასხმას", - წერს რაზვოჟაევი.
უკრაინულ მხარეს ინციდენტთან დაკავშირებით ინფორმაცია ჯერ-ჯერობით არ გაუვრცელებია.
ავტორი: ექსპრესნიუსი,
epn.ge (@expressnews.ge)
