ამ ქვეყანაში უნდა დასრულდეს ქალების მიმართ ძალადობა, უნდა დასრულდეს მათი შევიწროება,- ამის შესახებ საქართველოს სახალხო დამცველმა, ლევან იოსელიანმა განაცხადა.

იოსელიანმა, რომელიც ქალთა სოლიდარობის მარშს ესწრება, აღნიშნა, რომ ქალთა უფლებების დაცვა მისთვის, როგორც სახალხო დამცველისთვის, პრიორიტეტული საკითხია. 

"ჩემთვის ძალიან მნიშვნელოვანია, ვუთხრა საზოგადოებას, რომ ნებისმიერ ფორმას, ნებისმიერ აქციას, რომელიც არის სოლიდარული ქალების მიმართ, რომელიც წინააღმდეგობას უწევს ქალების მიმართ ძალადობას, მე ყველა აქციას შევუერთდები. ამ ქვეყანაში უნდა დასრულდეს ქალების მიმართ ძალადობა, უნდა დასრულდეს მათი შევიწროება და ჩემთვის, როგორც სახალახო დამცველისთვის, ეს არის ძალიან მნიშვნელოვანი. ასე იყო ყოველთვის - მანამდეც, სანამ ამირჩევდნენ ამ თანამდებობაზე, მე ვიყავი ქალების უფლებების დაცვით დაკავებული და ვაგრძელებ ამას ძალიან პრიორიტეტულად", - უთხრა იოსელიანმა "მთავარ არხს".

ცნობისთვის, თბილისში ქალთა სოლიდარობის მარში იმართება. მსვლელობა აღმაშენებლის გამზირიდან, ვასო აბაშიძის სახელობის თეატრის მიმდებარე ტერიტორიიდან დაიწყება და "დედაენის ბაღში" დასრულდება.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს