რაც არ უნდა ეცადოთ, დამემუქროთ იმპიჩმენტით, მიჩივლოთ საკონსტიტუციოში, ხან ქართული დამიწუნოთ, ხან ცილი დამწამოთ მე და ჩემ ოჯახს,მაინც, ვერ შემცვლით ვერც მე და ვერც ჩემს მიზანს,- ასე მიმართა საქართველოს პრეზიდენტმა, სალომე ზურაბიშვილმა "ქართულ ოცნებას", პარლამენტში წლიური ანგარიშის წარდგენისას.

მისი თქმით, საქართველოს პრეზიდენტი არის საქართველოს სახელმწიფოს მეთაური, ქვეყნის ერთიანობისა და ეროვნულ-დამოუკიდებლობის გარანტი.

"შეგახსენებთ, რომ საქართველოს პრეზიდენტი მოქმედებს საქართველოს კონსტიტუციის თანახმად და ალბათ საჭიროა, რომ მართლა შეგახსენოთ.

საქართველოს პრეზიდენტი არის საქართველოს სახელმწიფოს მეთაური, ქვეყნის ერთიანობისა და ეროვნულ-დამოუკიდებლობის გარანტი. საქართველოს პრეზიდენტი არის საქართველოს უმაღლესი თავდაცვის ძალების უმაღლესი მთავარსარდალი, საქართველოს პრეზიდენტი წარმოადგენს საქართველოს საგარეო ურთიერთობებში.

ასე, რომ რაც არ უნდა ეცადოთ, რომ ხან იმპიჩმენტით დამემუქროთ, ხან საკონსტიტუციო სასამართლოში მიჩივლოთ, ხან რომელ ძალას და ხან რომელს მიმაწებეთ. ხან ეცადოთ და ამიკრძალოთ საერთაშორისო ვიზიტები, ხან ეცადოთ და შემზღუდოთ რეგიონებში ადგილობრივ ხელისუფლებასთან ურთიერთობა, ხან ქართული დამიწუნოთ, ხან ცილი დამწამოთ მე და ჩემ ოჯახს და მოკლედ, რა აღარ დამაბრალოთ. მაინც, ვერ შემცვლით ვერც მე და ვერც ჩემს მიზანს. ვერ შემცვალეთ და ესეც იქნება მომავალში. როგორც ამბობენ, საქმემან შენმან წარმოგადგინოს შენო",- განაცხადა პრეზიდენტმა.

ავტორი: ექსპრესნიუსი,

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა