ბიძინა ივანიშვილი პოლიტიკაში არ მონაწილეობს - კეზერაშვილი არის ადამიანი, რომელიც პოლიტიკაშიც ერევა, მედიაშიც, ფულიც გააჩნია, ბიზნესმენიც არის და პოლიტიკაზე გავლენაც აქვს, - ამის შესახებ პარლამენტის პირველმა ვიცე-სპიკერმა, გია ვოლსკიმ "დეოლიგარქიზაციის შესახებ" კანონპროექტთან დაკავშირებით განაცხადა

როგორც ვოლსკიმ ჟურნალისტებს უთხრა, კონკრეტულ გვარებზე ყურადღების გადატანას "ერთიანი ნაციონალური მოძრაობა" ცდილობს.

“ბიძინა ივანიშვილი, თავისთავად, პოლიტიკაში არ მონაწილეობს. ერთია, რომ „ნაციონალური მოძრაობა“ და მისი კონკრეტული რუპორები ცდილობენ, რომ გვარებზე გადაიტანონ საკითხი, თუმცა ჩვენ მოგვისმენია, მაგალითად, კეზერაშვილის თვითაღიარება, რომელიც ამბობს, რომ ეგ არის ადამიანი, რომელიც პოლიტიკაშიც ერევა, მედიაშიც, ფულიც გააჩნია, ბიზნესმენიც არის და პოლიტიკაზე გავლენაც აქვს. ეს განცხადება მისგან მოვისმინეთ. რაც შეეხება, ვინ და როგორ მოხვდება, აქ სამართლიანობა იქნება მხოლოდ მთავარი პრინციპი, მხოლოდ სამართლიანობა'', - განაცხადა  გია ვოლსკიმ.

შეგახსენებთ, გუშინ, 21 მარტს პარლამენტმა ორი მოსმენით მიღებული „დეოლიგარქიზაციის შესახებ“ კანონპროექტი მეორე მოსმენაზე განხილვისთვის დააბრუნა.

იურიდიულ საკითხთა კომიტეტის თავმჯდომარის, ანრი ოხანაშვილის განმარტებით, კანონპროექტის მესამიდან მეორე მოსმენაზე დაბრუნების მიზეზი ვენეციის კომისიის დასკვნა გახდა.

ავტორი: ექსპრესნიუსი,

სოციალური ქსელები

კახა კალაძე ინტერ რაოს დასანქცირებაზე: თუ საჭირო აუცლებლობა იქნება რა თქმა უნდა, შესაბამის ნაბიჯებს გადავდგამთ

პროკურატურამ გიორგი ბარამიძის განცხადებასთან დაკავშირებით გამოძიება დაიწყო

Wine Square X Lunatic ერთმანეთის მხარდასაჭერად | მცირე ბიზნესის ჯაჭვი გრძელდება

ვალტონენი – ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას