საქართველოს გენერალური პროკურატურის ინფორმაციით, ირაკლი შოთაძე ბაჰრეინის სამეფოში ოფიციალური ვიზიტით იმყოფებოდა, სადაც ბაჰრეინის გენერალურ პროკურორს ალი ალბუაინაინს, ბაჰრეინის სამეფოს საკონტიტუციო სასამართლოს თავმჯდომარეს, იუსტიციის მინისტრს და უზენაესი სასამართლოს ვიცე-პრეზიდენტს შეხვდა. შეხვედრას საქართველოს გენერალური პროკურორის მოადგილე გიორგი ბადაშვილი, ევროჯასტში საქართველოს მეკავშირე პროკურორი გიორგი გოგაძე, თბილისის პროკურორის მოადგილე მერაბ ჯერანაშვილი,და ბაჰრეინის ​ოფიციალური უწყებების წარმომადგენლები ესწრებოდნენ.

შეხვედრის ფარგლებში, საქართველოსა და ბაჰრეინის გენერალურმა პროკურორებმა ორი ქვეყნის პროკურატურებს შორის თანამშრომლობის შესახებ ურთიერთგაგების მემორანდუმს მოაწერეს ხელი, რომელიც მიზნად ისახავს ორგანიზებულ დანაშაულთან ბრძოლას და ეფექტიან სისხლისსამართლებრივ დევნას, გამოცდილების გაზიარებას და მხარეებს შორის რეგულარული კომუნიკაციის მექანიზმების შექმნას.

შეხვედრაზე მხარეებმა დანაშაულთან ბრძოლაში გამოცდილების გაზიარებაზე, საქართველოსა და ბაჰრეინის სამეფოში სისხლის სამართლის სფეროში განხორციელებულ და მიმდინარე რეფორმებზე და ორ ქვეყანას შორის მართლმსაჯულების მიმართულებით სამომავლო თანამშრომლობის მნიშვნელობაზე ისაუბრეს, - აღნიშნულია საქართველოს გენერალური პროკურატურის ინფორმაციაში.

ავტორი: NS (სტატია დაფინანსებულია),

სოციალური ქსელები

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა