ძალიან იმედგაცრუებული ვარ პრეზიდენტის პოზიციით, რომელმაც გუშინ რომანტიზება მოახდინა ამ ძალადობის და ვიდეო დადო აღწერით - "სირენების ფონზე მოცეკვავე თინეიჯერები", - ამის შესახებ საქართველოს პარლამენტის თავმჯდომარემ, შალვა პაპუაშვილმა გამართულ ბრიფინგზე განაცხადა. 

მისივე თქმით, ეს არ არის ის დამოკიდებულება, რომელიც პრეზიდენტის უნდა ჰქონდეს პარლამენტს მიმართ, ვინაიდან ინსტიტუტების პატივისცემა მნიშვნელოვანია.

"მე ძალიან იმედგაცრუებული ვარ პრეზიდენტის პოზიციით, რომელმაც გუშინ გარკვეულწილად რომანტიზება მოახდინა ამ ძალადობის, როდესაც მან ერთ-ერთი ვიდეო დადო აღწერით - "სირენების ფონზე მოცეკვავე თინეიჯერები". და ეს სირენები, შეგახსენებთ, იყო საპოლიციო ღონისძიების სირენები, ეს ნიშნავდა, რომ იქ იყო ძალადობა და ამიტომ პოლიციას უწევდა წესრიგის აღდგენა.

როდესაც პრეზიდენტი ამის რომანტიზებას ახდენს, როგორც სირენების ფონზე მოცეკვავე თინეიჯერებისა, ეს, რა თქმა უნდა, არ არის ის დამოკიდებულება, რომელიც პრეზიდენტის უნდა ჰქონდეს პარლამენტს მიმართ და მე, როგორც პარლამენტის თავმჯდომარე, ვალდებული ვარ, ამას ხაზი გავუსვა. იმის მიუხედავად, რა ემოციური დამოკიდებულება შეიძლება ჰქონდეს ამა თუ ამ ადამიანს, მათ შორის პრეზიდენტს ამა თუ იმ საკითხის მიმართ, ინსტიტუტების პატივისცემა არის მნიშვნელოვანი", - განაცხადა პაპუაშვილმა.

შეგახსენებთ, რომ გუშინ საქართველოს პრეზიდენტმა, სალომე ზურაბიშვილმა Facebook-ის პირად გვერდზე საპროტესტო აქციაზე გადაღებული ვიდეო გააზიარა, სადაც მშვიდობიანი მომიტინგეები პოლიციის მანქანის სირენების ხმაზე ცეკვავენ და დაწერა, რომ "ახალგაზრდა თაობა მაგრები არიან". 

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს