საქართველოს პრეზიდენტი, სალომე ზურაბიშვილი მიიჩნევს, რომ აგენტების შესახებ კანონპროექტი ეწინააღმდეგება ევროპულ ღირებულებებს, - ამის შესახებ პრეზიდენტმა CNN-ს განუცხადა.

"ძალიან ნათელია, რომ საქართველოს და ქართველ ხალხს არ სურს ამ გზაზე წასვლა. ყოველთვის ასე ხდებოდა ისტორიის განმავლობაში, როცა კითხვას სვამდნენ, მოსახლეობის პასუხი ერთადერთი იყო, რომ ჩვენ გვინდა ევროპა. ევროპა, რომელიც არის ჩვენი მომავალი და ჩვენი ღირებულებების შესაბამისია. ის, რაც ახლა ხდება, კანონპროექტს, რომელზეც უკვე ვთქვი, რომ ვეტოს დავადებ, ეწინააღმდეგება ღირებულებებს, რომელსაც ევროკავშირი ეფუძნება და ეს ხდება მაშინ, როცა ჩვენ ველოდებით ევროკავშირის კანდიდატის სტატუსის შესახებ გადაწყვეტილებას. მასზე უარი რამდენიმე თვის წინ მივიღეთ, მაშინ როცა უკრაინამ და მოლდოვამ ეს ყველაფერი მიიღო. ქართველმა ხალხმა იცის, რომ ეს უმნიშვნელოვანესი გზაჯვარედინია ჩვენი მომავლისთვის, მათ ძალიან კარგად იციან, რომ ჩვენი შვილების მომავალი განისაზღვრება იმით, თუ რას გავაკეთებთ უახლოეს კვირებსა და დღეებში. ხალხი კი ამბობს, რომ მათ სურთ ევროპა", - თქვა სალომე ზურაბიშვილმა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს