ეჭვი არ მეპარებოდა, რომ ქართველი ხალხი თავის სიტყვას იტყოდა,- ამის შესახებ  უკრაინის პრეზიდენტის ოფისის ხელმძღვანელის ყოფილმა მრჩეველმა, ალექსეი არესტოვიჩმა განაცხადა.

მისი თქმით, ქართველი ხალხის გამარჯვება გახდება მორიგი მარცხი რუსეთისთვის, რომელიც მართული კორუმპირებული ელიტების საშუალებით ცდილობდა ყოფილი საბჭოთა რესპუბლიკების ევროკავშირისა და ნატო-სკენ სვლის გაკონტროლებას.

„ერთი დროის ყოველ უკანონობას აქვს თავისი ზღვარი. ქართველი ხალხის გამარჯვება გახდება მორიგი მარცხი რუსეთისთვის, რომელიც მართული კორუმპირებული ელიტების საშუალებით ცდილობდა ყოფილი საბჭოთა რესპუბლიკების ევროკავშირისა და ნატო-სკენ სვლის გაკონტროლებას. მანამდე იყო უკრაინა და მოლდოვა. უკრაინა ომობს, მოლდოვა ამ დრომდე საფრთხის წინაშეა. კრემლს უნდა წაართვან შესაძლებლობა, ჩაერიოს თავისი მეზობლების პოლიტიკაში, ხალხების უფლებაში, აირჩიონ თავიანთი მომავალი.

უკრაინის თავდაცვის ძალები მას ამ შესაძლებლობას ფიზიკურად ართმევენ, რისთვისაც უზარმაზარ საფასურს იხდიან. დღეს ბახმუტთან უკრაინის გმირი დმიტრი კოცუბაილო (ლეგენდარული და ვინჩი) დაიღუპა, დაიღუპა მე-80 ბრიგადის მებრძოლი ანდრეი ლუკანიუკი. საქართველოს, უკრაინისა და მოლდოვის ერები წაართმევენ კრემლს ამ შესაძლებლობას თავიანთი უძლეველობით, მტკიცე სურვილით, დაიცვან საკუთარი ნება და განახორციელონ ის. საქართველო იქნება თავისუფალი. ასევე იმედი მაქვს მიხეილ სააკაშვილის გათავისუფლების, რომელიც ჩემთვის გახდა საქართველოში რუსეთის გავლენის დღევანდელი წინააღმდეგობის სიმბოლო“,- წერს არესტოვიჩი.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს