პოლიტიკოსების და საზოგადოების ერთიან ძალისხმევას ამ კანონის წინააღმდეგ აქვს შედეგი, ეს უნდა გაგრძელდეს, - ამის შესახებ ფრაქცია"ლელოს" წევრმა, ანა ნაცვლიშვილმა განაცხადა.

მისივე თქმით, აგენტების შესახებ კანონპროექტი არის რუსული და რუსული კანონით "ქართული ოცნება" აპირებს, მეორედ მოახდინოს საქართველოს გასაბჭოება.

მან საქართველოს მოსახლეობას კიდევ ერთხელ მოუწოდა, რომ გამოვიდეს აქციაზე, რომელიც ხვალ დილის 9 საათზე გაიმართება, ვინაიდან მოსახლეობის ხმა ძალიან მნიშვნელოვანია.

"პოლიტიკოსების და საზოგადოების ერთიან ძალისხმევას ამ კანონის წინააღმდეგ აქვს შედეგი, ეს უნდა გაგრძელდეს. არ მიიღება არანაირი არგუმენტი, რომელიც დღეს ისმოდა, ეს არის რუსული კანონი და რუსული კანონით აპირებენ, მეორედ მოახდინონ საქართველოს გასაბჭოება.

ჩვენ გადავწყვიტეთ, რომ შევქმნათ საკოორდინაციო საბჭო, სადაც ერთობლივად მოხდება სტრატეგიის და გეგმების შემუშავება და ნაბიჯების მომზადება, ხვალ კიდევ ერთხელ ვთხოვთ საქართველოს მოქალაქეებს, რომ მოვიდნენ აქციაზე დილით 9 საათზე, ვინაიდან 10-ზე იქნება ბიურო და მნიშვნელოვანია, რომ მოსახლეობის ხმა ფიზიკურადაც ესმოდეს "ქართულ ოცნებას" პარლამენტის შენობაში", - განაცხადა ანა ნაცვლიშვილმა.

ცნობისთვის, ანტიდასავლურმა მოძრაობა „ხალხის ძალამ" საქართველოს პარლამენტში „უცხოური გავლენის გამჭვირვალობის შესახებ“ კანონპროექტი დააინიცირა. კანონპროექტის მიხედვით, შეიქმნება უცხოური გავლენის აგენტების რეესტრი, სადაც დარეგისტრირდება ყველა ის არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოური ძალების მიერ ფინანსდება.

აღნიშნული კანონპროექტის ინიცირებას გამოეხმაურა საერთაშორისო საზოგადოება. დასავლეთი და შეერთებული შტატები ერთხმად თანხმდებიან, რომ ასეთ კანონს შეუძლია პოტენციური საფრთხე შეუქმნას საქართველოს ევროატლანტიკურ ინტეგრაციას. „უცხოური აგენტების შესახებ“ კანონპროექტის მიღების წინააღმდეგია არასამთავრობო სექტორი და ოპოზიციაც.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს